د اجرایوي ریاست ویاند مجیبالرحمان رحیمي نن په کابل کې د اساسي قانون د نمانځنې اوونۍ په مناسبت جوړې شوې غونډې ته وویل چې د ملي یوالي حکومت هوکړهلیک ځېنې مادې نهدي پليشوي؛ خو د دې هوکړې ځېنو نورو مادو عمليکولو کې چې د برېښنايي تذکرو وېش، د اساسي قانون تعدیل کمېسیون جوړول، رڼو ټاکنو ترسرهکولو او د اساسي قانون تعدیل لهپاره د لويې جرګې پر سر اوس هم د ارګ او اجرایوي ریاست ترمنځ اختلاف شته.
د ښاغلي رحیمي په وینا، په حکومت کې د سمون او د نظام غیرمتمرکز کولو لهپاره باید په اساسي قانون کې جدي تعدیلونه رامنځته شي.
ښاغلي رحیمي زیاته کړه چې اوس د اساسي قانون پر بنسټ ټول واک د ارګ په انحصار کې دی.
په ورته وخت کې د ملي یوالي حکومت هوکړې پليکولو کمېسیون رییس محمد ناطقي د اساسي قانون پر مرکزيکېدو نیوکه کوي او زیاتوي، سره لهدې چې د ملي یوالي حکومت هوکړه د اجرایوي ریاست پر رول ټینګار کوي؛ خو هر څه ارګ ترسره کوي.
خو د ولسمشر مرستیال ویاند دواخان مینهپال وايي چې د ټولو بنسټونو واکونه د اساسي قانون پر بنسټ روښانه شويدي.
د ښاغلي مینهپال په وینا، ولسمشر د اساسي قانون پر بنسټ له خپلو واکونو کار اخلي.
غونډه کې د حقوق پوهانو ټولنې غړیو هم په اساسي قانون کې پر ځېنو تعدیلونو ټینګار وکړ.
