تخار ولایتی‌نینگ ساغلیق‌نی سقلش ریاستی مسؤوللری‌نینگ ایتیشیچه، تخار ولایت کسلخانه‌سی تامانیدن عزیزی بانک‌ده ضمانت قوییلگن 1.6 میلیون دالر، کابل شهری‌نینگ دستلبکی محکمه‌سی بویروغی اساسیده، قیتریله‌دی. تخار ولایت کسلخانه‌سی مسؤوللری‌نینگ ایتیشیچه، اوشبو پول قیتریلگن صورتده، مذکور کسلخانه بوتونله‌ی عصر اسکونه‌لر بیلن جهازلنه‌دی.
تخار ولایتی‌نینگ ساغلیق‌نی سقلش ریاست باشلیغی حفیظ‌الله صافی‌نینگ ایتیشیچه، محکمه تامانیدن بیریلگن بویروغ اساسیده، عزیزی بانک ضمانت قوییلگن پولنی قیتریشی‌گه قوشیمچه، مذکور کسلخانه گه باشقه 16 میلیون افغانی بیریشی کیره‌ک. تخار ولایت کسلخانه‌سی مسؤوللری‌نینگ ایتیشیچه، طبی جهاز کم‌لیگی اوشبو کسلخانه‌نی اساسی قیین‌چیلیک‌لریدن بیری دیر.
تخار ولایت کسلخانه‌سی آمری داکتر کریم‌الله رحیم بخش‌نینگ ایتیشیچه، اوشبو کسلخانه‌نی عصری طبی اسکونه‌لرگه جدی احتیاجی بار و بو کسلخانه عصری طبی اسکونه‌لر بیلن جهازلنیب و کسل‌لرنی یخشی بیر شکلده داروله‌شی توغریسیده قرار آلینگن.
تخار ولایتی‌نینگ کسلخانه‌سی آلمانی‌لر تامانیدن قوریلگن، بیر ییل آلدین ایش‌گه باشله‌دی؛ بیراق متخصص داکترلر و عصری طبی اسکونه یوقلیگی بو کسلخانه‌نی اساسی قیین‌چیلیک‌لریدن دییله‌دی.
