 - Copy 1.jpg)
ایکینچیلیک و چارواچیلیک وزیرلیگی بیلن آسترالیا ایلچی خانهسی اورته سیده 25 میلیونلیک کیلیشیککه قول قویلدی. بو پولنی ایکینچیلیک و چارواچیلیک وزیرلیگی مملکت قوروق ییرلرینی ایکینچیلیک ییرلریگه اوزگرتیریش اوچون مصرف قیلیشی کوتیلهدی.
1390-ییلدن حاضرگه قدر مذکور وزیرلیک آسترالیا مملکتی یاردمی بیلن دافا ناملی لایحهسی آستیده، مملکت قوروق ییرلریدن کوپینچهسینی حاصل آلیش مرحلهسیده کیلتیریشگه موفق بولگن.
مذکور شرطنامه بوگون (سهشنبه) آسترالیا مملکتی نینگ افغانستاندهگی ایلچیسی مات اندرسون و ایکینچیلیک و چاروالیک وزیری اسدالله ضمیر اورتهسیده امضالشیلدی. جناب ضمیرنینگ بو اولتیریشده ایتیشیچه، قوروق ییرلرنی حاصل بیریشگه کیلتیریش ایشی تورلی مرحلهلرنی اوز ایچیده آلیب تطبیقگه آشیریلهدی و بو لایحهده مملکت بویلب 16 ولایت بیرینچی مرحلهده آلیب بوغدای حاصلاتی کوپلب آلینیشی اوچون کوزگه توتیلگن.
 - Copy 1.jpg)
افغانستاندهگی آسترالیا مملکتی ایلچیسی هم اولتیریشده سوزگه چیقیب، مملکتی قوریب یاتگن ییرلرنی حاصل آلیشگه تیار ایتیشیدن خورسندلیک بیلدیرهدی. او بو لایحهنی افغانستاننی اوز ایاققه توریش مرحلهسی دیب بیلهدی و افغانستاننی قیته قوریش و ینگی قوریش لایحهلری اوچون یاردملیکلری دوام ایتیشینی بیلدیردی.
گزارشلرگه کوره، ییللب افغانستان 6 میلیون تُن بوغدایگه احتیاجی بولگن، اوتگن ییل بو احتیاجلیگیدن 4.5 میلیون تُن بوغداینی قولگه کیلتیریشگه موفق بولدی، اما قوروق ییرلردن بوغدای آلیش لایحهسی، بوغدای و باشقه محصولاتلرنی قولگه کیریتیش اوچون ایکینچیلیکنی ایاققه تاختهدی.
