مالیه وزیرلیگی رسمیلرینینگ ایتیشیچه، 5.5 میلیارد دالر ارزشیگه 182 پروژه دن بیرقطارینی ایشی باشلنگن و باشقه بیرقطارینی ایشی تیزلیکده باشلهنیشی ممکن.
بوگون نمایندهلر کینگشیده مالیه وزیری اکلیل حکیمینینگ ایتیشیچه، ناتوغری معلومات بیریلگنی باعث، 5 توغاننینگ قوریلیش ایشی توختهتیلگن، بیراق باشقه پروژهلرنی قوریلیش ایشی باشلهنیشی اوچون مذکور وزیرلیکنینگ فعالیتلری دوام ایتماقده و بو پروژهلر کیلهجک بیش ییلگچه ایش آلیشگه تاپشیریلیشی ممکن.
جناب حکیمینینگ ایتیشیچه، 6 ایشخانهنی ایشی قیتهدن باشلهنیشی اوچون مذکور وزیرلیک اوزبیکستان بیلن کیلیشگن و تاشکینت کیلهجک 6 آیگچه مذکور ایشخانهلرگه نیاز بولگن ماشینلرینی افغانستاننینگ اختیاریده قوییشگه قرار قیلگن. اونینگ کوپهیتیریشیچه، اوشبو وزیرلیک ترکمنستان بیلن اوشبو مملکت گازینی افغانستان توپراغیدن پاکستان گه انتقال بیریب و تاپی فایدهلنیشگه قدر کیلیشگن.
شونینگدیک، مالیه وزیری جاری مالی ییلده بودجه خرجتی یخشیلنیشیدن خبر بیریب و اونی ایجابی بیر آدیم دیگن.
حکیمیگه کوره، افغانستان حکومتی بروکسل ییغینیده بیرگن سوزلریدن 70% عملگه آشیرگن، بیراق افغانستان برابریده دنیاجماعهچیلیگی سوزلریدن بیرقطاری حاضرگچه عملی بولمهگن.
شونینگدیک، جناب حکیمی جاری ییل عقرب آییده ژنو ییغین یولگه قوییلیشیدن خبر بیریب ایتیشیچه، اوشبو ییغینده خلق ارا تشکیلاتلری و 37 دن آرتیق مملکت نمایندهلری اشتراک قیلهدیلر و افغانستان تامانیدن جمهور رییس غنی بو ییغین گه اشتراک قیلیش اوچون سویس بارهدی.
حکیمی گه کوره، ژنو ییغینیده افغانستان و دنیاجماعهچیلیگینینگ ایکی تامانلمه سوزلری بحثگه آلینهدی و کیلهجک اوچ آیده کابل ییغینی هم یولگه قوییلهدی.
بروکسل ییغینیده دنیاجماعهچیلیگی افغانستان اوچون 15 میلیارد دالر یاردم سوزینی بیرگن ایدی. میلادی 2016- ییلده یولگه قوییلگن اوشبو ییغینده، 70 دن آرتیق مملکت و 20 خلق ارا تشکیلات نمایندهلری اشتراک قیلگن ایدی.
