.jpg)
دایکندی ولایتی ایکینچی‌لری‌نینگ ایتیشیچه، اولرنینگ زورگار تیبره‌ته‌دیگن و قولگه کیریته‌دیگن اینگ اساسی منبعی بادام محصولاتی دیر؛ بیراق جاری ییل بو منبع‌نی محصولاتی و بهاسی ییترلی شکلده کمه‌یگن.
دایکندی ایکینچیلریدن بیری محمدرضانینگ ایتیشیچه، گل موسومیده ساووقلیک و اوندن سونگ کم سوولیک و قوروقچیلیک بادامنینگ حاصلاتینی کمهیشیگه سبب بولگن. اونینگ ایتیشیچه، اوتکن ییل بیر سیر بادامنینگ بهاسی 12 یوز افغانی ایدی، بیراق حاضرده اوشبو رقم 4 یوز افغانیگه کمه‌یگن.
محمدرضا اوتکن ییل 160 سیر بادام قولگه کیلتیرگن ایکن؛ بیراق جاری ییلده اوشبو رقم 40 سیرگه کمه‌یگن.
حاجیخان علی نیچه ییلدن بویان ایکینچیلیک و سوداگرلیک بیلن شغل لنهدی و بادام حاصلاتینی تورلی بازارلرگه ساتهدی. اونینگ ایتیشیچه، دایکندی ایکینچیلیک ادارهسی بادامنینگ حاصلاتی کوپهیشی و اوشبو منبعگه قرشی کسللیکلرگه توسیق بولیش اوچون ایکینچیلرگه یاردم بیرمهگن، انهشوسبب بادام درختینی آفت اوریب و حاصلاتی کمه‌یگن.
.jpg)
دایکندی ایکینچیلریدن بیرقطاری، اوشبو ولایت ایکینچیلیک ادارهسیدن ایکینچیلیک محصولاتلر جملهدن بادامنینگ حاصلاتی کوپهیشی و آفتلردن قورتهریش اوچون اصلاح ایتیلگن تخملرنی اولر اختیاریگه قویشینی سورهیدیلر.
دایکندی ولایتینینگ ایکینچیلیک اداره باشلیغی سید عبدالواحد فیروزینینگ ایتیشیچه، جاری ییلده قوروقچیلیک و ساووقلیک باعث مذکور ولایت ایکینچیلیک حاصلاتینینگ 50 فایزی اورتهدن کیتگن.
دایکندی ایکینچیلیک اداره باشلیغیگه کوره، اوشبو اداره جاری ییلده ایکینچیلرگه اصلاح ایتیلگن تخم بیریشگه موفق بولمهگن؛ بیراق کیلسی ییل اصلاح ایتیلگن تخملرنینگ توزیع ایتیلیشی ممکن.
