افغانستان باشکینتیده تورلی دلیللر باعث، برچه مخابراتی ترماقلر کیچه و کوندوز فعالیت قیلهدی. بیراق مملکتنینگ کوپینچه ولایتلری اینیقسه تومنلریده دولتگه قرشی قوراللی گروهلر فعالیت قیلهدیلر و بو موضوع باعث، مخابراتی ترماقلر یالغیز کوندوز تامانیدن فعالیت قیلهدی و یا-ده بوتونلهی فعالیت قیلمهیدی.
سلاموطندار مخابراتی ترماقلرنینگ فعالیتی قندهیلیگینی تیکشیریش اوچون بوتون مملکت و ولایتلرنینگ بوتون تومنلریدن معلومات توپلهگن.
لوگر ولایتینینگ 7 تومنی بار. اوشبو ولایتده برچه مخابراتی ترماقلر فعالیت قیلهدی و اوشبو ترماقلرنینگ فعالیتی یالغیز پلعلم مرکزده کیچه و کوندوز فعال دیر. ایریم تومنلریده مخابراتی ترماقلر ناتینچلیک باعث، کیچه تاماندن فعالیت قیلمهیدی. لوگر ولایتینینگ مخابرات ریاستی باشلیغی عبدالرحمان ناصری گه کوره، ناتینچلیکلر باعث، مخابراتی ترماقلر فعالیت قیلمهیدی. بیراق ایتیشیچه، مخابراتی ترماقلرنینگ ایشلاوچیلریدن بیرقطاری، قصدی شکلده کوندوز یا-ده کیچه جریانیده ترماق فعالیتینی کیسهدی و جنراتورلر اوچون نظرگه آلینگن یانغین ماده نی بازارده ساتهدی.
بامیان ولایتینینگ 7 تومنی بار. اوشبو ولایتنینگ فضاسی تینچ بولگنی سبب، مخابراتی ترماقلر 24 ساعت فعالیت قیلهدی.
میدان وردک ولایتینینگ 9 تومنی بار. بو ولایتده افغانبیسیم، روشن، اتصالات، امتیان و سلام مخابراتی ترماقلری فعالیت قیلهدی. بیراق ناتینچلیک باعث، ولایت مرکزیدن باشقه تومنلرده اوشبو ترماقلرنی فعالیتی کیچه تاماندن کیسیلهدی.
کاپیسا ولایتینینگ 7 تومنی بار. شونینگدیک، اوشبو ولایتده افغانبیسیم، روشن، اتصالات، امتیان و سلام مخابراتی ترماقلری فعالیت قیلهدی. امنیتی تهدیدلر باعث، الهسای و تگاب تومنلریده مخابراتی ترماقلرنینگ فعالیتی کیچه تاماندن کیسیلهدی و یالغیز سلام ترماغی ولایت بویلب کیچه و کوندوز فعالیت قیلهدی.
پروان ولایتینینگ 10 تومنی بار. بو ولایتده افغانبیسیم، روشن، اتصالات، امتیان و سلام مخابراتی ترماقلری فعالیت قیلهدی. کوه صافی تومنی و غوربندنینگ ایریم بولیملریده مخابراتی ترماقلر ایشدن قالهدی و باشقه تومنلرده کیچه و کوندوز فعالیت قیلهدی.
پنجشیر ولایتینینگ 8 تومنی بار. بو ولایتده افغانبیسیم، روشن، اتصالات، امتیان و سلام مخابراتی ترماقلری فعال دیر.
کنر ولایتینینگ 15 تومنی بار. افغانبیسیم، روشن، اتصالات، امتیان و سلام مخابراتی ترماقلری فعال دیر. اوشبو ولایتنینگ یالغیز مرکزیده افغانبیسیم و امتیان کیچه و کوندوز فعالیت قیلهدی و چپهدره و مانوگی تومنلریده ناتینچلیک باعث، افغانبیسیم و امتیان فعالیتلرینی توختهتیب قویگن.
دایکندینینگ 8 تومنی بار. اوشبو ولایتده افغانبیسیم، روشن، اتصالات، امتیان و سلام مخابراتی ترماقلری فعالیت قیلهدی. یالغیز کجران تومنیده، مخابراتی ترماقلر ناتینچلیک باعث، ایریم پیتلر فعالیتلرینی توختهتدی.
هرات ولایتینینگ 15 تومنی بار. بو ولایتده افغانبیسیم، روشن، اتصالات، امتیان، سلام و افغانتلیکام مخابراتی ترماقلری فعالیت قیلهدی. اوشبو ترماقلرنینگ فعالیتی کشک کهنه، پشتونزرغون، شیندند، غوریان و گلران تومنلریده کیچه تاماندن کیسیلهدی.
فراه ولایتینینگ 11 تومنی بار. بو ولایتده افغانبیسیم، روشن، امتیان، سلام و وصل مخابراتی ترماقلری فعالیت قیلهدی. بیراق یالغیز سلام کیچه و کوندوز فعال تورهدی. باشقه ترماقلر ناتینچلیک باعث، کیچه تاماندن کیسیلهدی.
فراه ده آتی فاش ایتیلیشینی ایستمهگن بیر منبعنینگ سلاموطندارگه ایتیشیچه، سلام مخابراتی ترماغینینگ رهبرلیگی، اوشبو ترماق ایشلاوچیلریگه هر بیر شرایطده فعالیتلریگه دوام بیریشلری توغریسیده بویروغ بیرگن.
غور ولایتینینگ 10 تومنی بار. اوشبو ولایتده افغانبیسیم، روشن، اتصالات، امتیان، افغانتلیکام و سلام مخابراتی ترماقلری فعالیت قیلهدی. بو ترماقلر ناتینچ بولگن شهرک، دولینه و پسابند تومنلریده ایریم پیتلر ایشدن قالهدی. تیوره تومنیده بیر ییلدن بویان هیچ بیر مخابراتی ترماق فعالیت قیلمهیدی. چهارسده تومنیده یالغیز افغانتلیکام حکومت رسمیلری اوچون فعالیت قیلهدی و 6 ییلدن بویان هیچ بیر ترماق بو تومنده فعالیت قیلمهیدی.
بادغیس ولایتینینگ 6 تومنی بار. ناتینچلیک باعث، مخابراتی ترماقلر قادس و گلچین تومنلریده کوپینچه پیت فعالیت قیلمهیدی و باشقه 4 تومنده کیچه و کوندوز فعالیت قیلمهیدی. بادغیس ولایتیده مخابرات ریاستی سرپرستی سیدقاسم یوسفینینگ ایتیشیچه، نیچه وقتدن بویان مذکور ولایتنینگ ایریم تومنلریده ناتینچلیک باعث، مخابراتی ترماقلر کیچه تاماندن دستگاهلرینی اوچیرهدی.
نیمروز ولایتینینگ 5 تومنی بار. اوشبو ولایتده افغانبیسیم، روشن، اتصالات، امتیان و سلام مخابراتی ترماقلری کیچه و کوندوز فعالیت قیلهدی.
بلخ ولایتینینگ 15 تومنی بار. بو ولایتده مملکتده موجود بوتون مخابراتی ترماقلر فعالیت قیلهدی. اوشبو ترماقلرنینگ فعالیتی کیچه تاماندن چمتال و چهاربولک تومنلریده کیچه تاماندن کیسیلهدی و یالغیز دولتآباد تومنیده کیچه تاماندن روشن ترماغی فعال دیر.
قندوز ولایتینینگ 9 تومنی بار. اوشبو ولایتده 5 مخابراتی ترماق جملهدن افغانبیسیم، روشن، اتصالات، امتیان و سلام مخابراتی ترماقلری فعالیت قیلهدی. کیچه تاماندن یالغیز سلام ترماغی فعال تورهدی. باشقه 4 ترماق ناتینچلیک باعث، آقشام ساعت 4 دن ایرته ساعت 5 گچه کیسیلهدی. بونینگ یانیده، ناتینچلیک باعث، سلام ترماغی قلعهزال و دشتارچی تومنلریده هیچ قندهی فعالیت قیلمهیدی.
بغلان ولایتینینگ 14 تومنی بار. مذکور ولایتده افغانبیسیم، روشن، اتصالات، امتیان و سلام مخابراتی ترماقلری فعالیت قیلهدی. یالغیز افغانبیسیم و سلام مخابراتی ترماقلر ایریم تومنلریده کیچه و کوندوز فعال دیر و باشقه مخابراتی ترماقلر ناتینچلیک باعث، مرکزده هم آقشام ساعت 5 دن ایرته ساعت 6 گچه ایش بیرمهیدی.
بدخشان ولایتینینگ 28 تومنی بار. بو ولایتده برچه مخابراتی ترماقلر فعال دیر؛ لیکن واخان تومنیده یالغیز اتصالات فعالیت قیلهدی. بیراق کوپینچه ترماقلر ناتینچلیک باعث، راغستان، کوهستان، وردوج و یمگان تومنلریده کیچه تامانیدن کیسیلهدی. شونینگدیک، بدخشان ولایتینینگ چیگرهوی تومنلرینی یشاوچیلری بدخشان تاغلیک بولگنی و افغانستان مخابراتی ترماقلری ایش بیرمهگنلری باعث، تاجیکستان مخابراتی ترماقلریدن فایدهلنهدیلر.
سمنگان ولایتینینگ 7 تومنی بار. مذکور ولایتده افغانبیسیم، روشن، اتصالات، امتیان و سلام مخابراتی ترماقلری فعالیت قیلهدی. بیراق مخابراتی ترماقلر یالغیز حضرت سلطان تومنی و آیبیک ده کیچه و کوندوز فعال تورهدی. خرم-سارباغ، فیروز نخچیر، یوقاری درهصوف و قویی درهصوف تومنلریده یالغیز روشن و امتیان مخابراتی ترماقلری فعالیت قیلهدی و رویدوآب تومنیده یالغیز امتیان فعال دیر. اوشبو ولایتده مخابراتی ترماقلر بوتونلهی ایش بیرمهگنی محیطی قیینچیلیککه نسبت بیریلهدی.
تخارنینگ 16 تومنی بار. اوشبو ولایتده افغانبیسیم، روشن، اتصالات، امتیان و سلام مخابراتی ترماقلری فعال دیر. مذکور ولایتده مخابراتی ترماقلرگه قرشی هیچ قندهی امنیتی تهدید یوق؛ بیراق اتصالات ایکی ییلدن بویان نامعلوم دلیل باعث، فرخار و ورسج تومنلریده فعالیت قیلمهیدی.
سرپلنینگ 6 تومنی بار، بو ولایتده افغانبیسم، روشن، اتصالات، امتیان و سلام مخابراتی ترماقلری فعالیت قیلهدی. امنیتی تهدیدلر سبب، ولایت مرکزی شامل بوتون تومنلرده مخابراتی فعالیتلر آقشام ساعت 6 دن ایرته ساعت 6 گچه توختهتیلیب قوییلهدی و یالغیز سلام مخابراتی ترماغی کیچه و کوندوزده فعالیت قیلهدی.
فاریابنینگ 15 تومنی بار. اوشبو ولایتده افغانبیسم، روشن، اتصالات، امتیان، سلام و افغانتلیکام مخابراتی ترماقلر فعالیت قیلهدی. افغانبیسیم و سلام تشقری باشقه بوتون ترماقلرنینگ فعالیتی آقشام ساعت 5 دن یرتهلب ساعت 5 کچه بوتون تومن لرده کیسیلهدی.
جوزجاننینگ 10 تومنی بار. اوشبو ولایتده افغانبیسم، روشن، اتصالات، امتیان و سلام مخابراتی ترماقلر فعالیت قیلهدی. سلام ترماغی تشقری باشقه ترماقلر ناتینچلیکلر سبب قوشتپه، درزاب و آقچه تومنلریده کیچه ساعت 10 دن یرتهلب ساعت 6 گچه فعالیت قیلمهیدی.
قندهارنینگ 16 تومنی بار. اوشبو ولایتده 5 مخابراتی ترماق فعالیت قیلهدی. ریگستان، نیش و خاکریز تومنلریده ناتینچلیکلر سبب هیچ قنده ی مخابراتی ترماق فعالیت قیلمیدی.
غزنینینگ 20 تومنی بار. اوشبو ولایت ده هم افغانبیسم، روشن، اتصالات، امتیان و سلام مخابراتی ترماقلر فعالیت قیلهدی. ناتینچلیک لر سبب، سلام و امتیان تشقری باشقه ترماقلرنینگ زنهخان، واغه، اندر، قرهباغ، اجرستان و گیلان تومنلریده فعالیتی یوق دیر.
زابلنینگ 11 تومنی بار. بوتون مخابراتی ترماقلر اوشبو ولایتده فعال دیر. بیراق ناتینچلیکلر سبب دایچوچان، خاکافغان و اتغر تومنلریده هیچ قنده ی مخابراتی ترماق فعالیت قیلمیدی.
هلمندنینگ 15 تومنی بار. اوشبو ولایتده افغانبیسم، روشن، اتصالات، امتیان و سلام مخابراتی ترماقلر فعالیت قیلهدی. و بو جملهدن یالغیز سلام کیچه و کندوز فعال دیر و باشقه ترماقلر کیچه تاماندن فعالیت قیلمیدی.
ارزگاننینگ 6 تومنی بار. اوشبو ولایتده ناتینچلیکلر سبب یالغیز سلام ترماغی فعال دیر و باشقه ترماقلر فعالیتلرینی توختهتیب قویگنلر.
ننگرهارنینگ 22 تومنی بار. افغانبیسیم، روشن، اتصالات، امتیان و سلام ترماقلری اوشبو ولایتده فعالیت قیلهدی. ناتینچلیکلر سبب درهنور، شیرزاد، حصارک، چپرهار و اچین تومنلریده مخابراتی شبکه لر کیچه تاماندن فعال بولمی و گاه گاهی کندوز تاماندن هم کیسیلیب قویلهدی.
لغماننینگ 6 تومنی بار. اوشبو ولایتده افغانبیسم، روشن، اتصالات، امتیان و سلام مخابراتی ترماقلر فعالیت قیلهدی. بیراق گاه گاهی اتصالات، افغانبیسیم و امتیان مخابراتی ترماقلر فعالیت لری نی توختهتیب قویهدی.
پکتیانینگ 13 تومنی بار. اوشبو ولایتده افغانبیسیم، روشن، اتصالات، امتیان و سلام مخابراتی ترماقلری فعال دیر. بیراق محیطی قیینچیلیکلر سبب، سلام ترماغی زرمت تومنیده فعالیتینی توختهتیب قویگن.
نورستاننینگ 8 تومنی بار. اوشبو ولایتده یالغیز افغانبیسیم، روشن و سلام فعالیت قیلهدی. افغانبیسیم وانتوایگل، نورگرام، دوآب تومنلریده فعال دیر و کامدیش تومنیده حاضرگچه هیچ قندهی ترماق فعالیت گه باشلمهگن.
پکتیکانینگ 19 تومنی بار. اوشبو ولایتده افغانبیسیم، روشن، اتصالات، امتیان، سلام و افغانتلیکام دایمی صورتده فعالیت قیلهدی. بیراق امکانات بولمهگنی و محیطی قیینچیلیکلر سبب مخابراتی ترماقلر اوشبو ولایت 10 تومنیده فعال ایمس.
خوستنینگ 13 تومنی بار. اوشبو ولایتده افغانبیسیم، روشن، اتصالات، امتیان و سلام مخابراتی ترماقلری فعال دیر. مخابراتی ترماقلرگه قرشی هیچ قندهی امنیتی تهدید یوق دیر.
مخابرات وزیرلیگینینگ سوزلاوچیسی سایر زلاندنینگ ایتیشیچه، قرشی گروه لر نیچه پیتدن بویان اهالی و حکومت آرهسیده فاصله قوریش اوچون مخابراتی قیینچیلیکلرنی ولایت لر و تومنلرده ایجاد قیلیب و مخابراتی پایهلرنی اورتهدن کوتریش اوچون سعی و حرکت قیلهدی. اونینگ ایتیشیچه، مخابراتی پایهلر و پایگاهلر امنیتینی تامینلش اوچون حکومت هم سعی و حرکت قیلهدی.
