قندوز ایکینچیلیک و سوولنتیریش ریاست مسئوللری نینگ ایتیشلریچه، بو ییل تربوز و قاوون حاصلاتی اوتگن ییل گه قرهگنده کوپهیگن.
قندوز ایکینچیلیک، سوولنتیریش و چارواچیلیک ریاست باشلیغی عبدالهادی قرلق نینگ ایتیشیچه، بو ییل اوشبو ولایتده اوتگن ییل گه قرهگنده تربوز حاصلاتی 7 فایز و قاوون حاصلاتی 8 فایز کوپهیگن.
اونگه کوره، اوتگن ییل مذکور ولایت دهقانلری پالیزلریدن کمیده 92 مینگ تُن تربوز و 100 مینگ تُن قاوون قولگه کیلتیرگن ایدیلر، بیراق بو ییل کمیده 100 مینگ تُن تربوز و 11 مینگ تُن قاوون قولگه کیلتیریشلری ممکن.
قندوز دهقانلریدن قطاری نینگ ایتیشلریچه، شونینگدیک بو ییل تربوز و قاوون نینگ بهاسی اوتگن ییللرگه قرهگنده کوپهیگن.
اولرگه کوره، اوتگن ییل مذکور ولایت بازارلریده هر بیر سیر تربوز و قاوون 40 – 50 افغانی گه ساتیلیدی، بیراق حاضر مذکور میوهلرنینگ هر بیر سیری نی 100 – 120 افغانی گه کوپهیگن.
اوشبو دهقانلر حکومت اینیقسه ایکینچیلیک وزیرلیگیدن بازارتاپیش و حاصلاتلری مملکتدن تشقی صادر ایتیلیشی اوچون زمینه یرهتیشی نی سورهشگن.
