.jpg)
افغانستان و قزاقستان اورتهسیده تجاری مبلغلری ییلیده 400 میلیون دالردن آشهدی.
بوگون افغانستان صناعت و تجارت اتاقی رسمیلری قزاقستانلیک 13 کیشیلیک هیأت حضوریده کابلده ایتیشلریچه، ییللیک ایکی مملکت اورتهسیده 437 میلیون دالر ارزشیده تورلی کالا آلیش بیریش قیلینهدی.
رسمیلرگه کوره، افغانستاننی قزاقستاندن کیلتیرهدیگن کالالری 426 میلیون دالر و افغانستاندن قزاقستانگه صادر قیلینهدیگن کالاللر 11 میلیونگه تخمین قیلینگن.
صناعت و تجارت اتاقلری اورین باسری خانجان الکوزی نینگ ایتیشیچه، اوتمیش نیچه ییلده قزاقستانلیک شرکتلر افغانستانده 30 میلیون دالر سرمایه یاتقیزگن و کابل آستانه ارا تجاری ایکی تامانلمه یاردملیکلر کوپلگن صورتده سوداگرلیک رقمی یوقاری کیتیشی ممکن.
جناب الکوزی نینگ ایتیشیچه، اوشبو اولتیریشیده، قزاقستانلیک تجارلر ایکی مملکت ارا سوداگرلیک علاقهلر یوکسهلیشی و ترانزیتی بولیمیده سرمایه یاتقیزیش بارهسیده صحبت قیلینهدی.
افغانستان سوداگرلیک و صناعی اتاقلری اورین باسری نینگ کوپهیتریشیچه، افغانستان و قزاقستانده سرمایه یاتقیزیش بولیملری موجود ایکی مملکت سوداگرلری ایریم بولیملرده بیرگهلیکده سرمایه یاتقیزیشگه قیزیقهدیلر.
اتاق رسمیلری، افغانستان و قزاقستان ارا ییریک معمالردن ترانزیتی و یول قیینچیلیگینی تیلگه آلهدیلر و ایتیلیشیچه، اوشبو معما حل ایتیلیشی بیلن ایکی مملکت قوشیمچه چین و روسیه مملکتلری بیلن هم سوداگرلیک علاقهلر یوکسک درجهده یوقاری کیتهدی.
قزاقستان سرمایه یاتقیزیش بولیمی باشلیغی اسکر ارینوف نینگ اوشبو اولتیریشده ایتیشیچه، مملکتی افغانستان بیلن بیرگهلیکده ترانزیتی، سرمایه یاتقیزیش و سوداگرلیک علاقهلری یوکسلیشیگه تیارگرلیک کورستگن.
اونگه کوره، شوحاضر باشقه 11 قزاق شرکت صنعت و ییگولیک بویملریده سرمایه یاتقیزیش اوچون کابل کیلگن و افغان سوداگرلریگه قزاقستانده تجاری یخشی زمینه یرهتیش بارهسیده تلاش قیلماقدهلر.
افغانستان سوداگرلیک و صناعت اتاقلری رسمیلری ملی بیرلیک حکومت باشلیغلریدن کابلده افغان- قزاق بویوک شرکت ایجاد قیلیشینی طلب قیلهدیلر و بو ایش بولگن صورتده ایکی مملکت ارا یوکسک تجاری علاقهلر اورتگه کیلیشی ممکن.
ایتیش کیرهک افغانستان قوروق میوهلر، مرمر تاشی، قره قول تیریسی، پیاز و کچالونی قزاقستانگه صادر قیلهدی.
قزاقستاندن افغانستانگه کیلتیریلهدیگن نرسهلر ایسه اون، یاغ، یومورته، کوکت، قتیق –سوت، دارو، شیشه، ساختمانی نرسهلر و آتدن عبارت بولگن.
