افغانستان – چین اورته‌سیده تیمیر یول نینگ آچیلیشی‌گه 6 آی بولگه‌نیگه قره‌مه‌ی، هنوز افغانستانلیک سوداگرلر تجاری تَورلرینی اوشبو یول آرقه‌لی مرکزی آسیاگه آلیب باریش‌گه موفق بولمه‌گنلر.
افغانستان صناعت و تجارت اتاقی نینگ عامل هیات باشلیغی عبدالقدیر بهمن، چین – افغانستان تیمیر یولی آرقه‌لی تجاری تَورلرنی منطقه دولتلریگه ییتگزیش اوچون اوزبیکستان دولتی مخدر ماده‌لر قاچاقی و خوفسیزلیک مساله‌سیدن خواطرده دیگن.
اونینگ سوزلریگه کوره، افغانستان صادارت مشکلی بو یولدن برطرف بولمه‌گن حالده، افغانستان نینگ منطقه‌ده‌گی دولتلر بیلن تجاری مناسباتلری بوزیله‌دی.
جناب بهمن، بو توغریده‌گی خواطر و تهدیدلر کوتاریلیشی اوچون افغانستان حکومتی منطقه دولتلری بیلن هماهنگلیکده معین میکانیزم ایشلب چیقیشی ضرور دیگن.
سلام‌وطندارگه صحبت بیرگن تجارت وزیرلیگی نینگ اورین باسری قربان حقجو، افغانستان – چین آرقه‌لی صادارت قیین‌چیلیک مساله‌سی حل بولیشی مقصدیده رسمی کابل اوزبیکستان تامانیگه لایحه یوللگن دیدی. او، اوزبیکستان تامانی اوشبو لایحه‌گه قول قویگن حالده، بو یول آرقه‌لی افغانستان نینگ صادارت معماسی حل ایتیله‌دی دیدی.
چین – افغانستان تیمیر یولی آرقه‌لی افغانستان تجاری تَورلری بو یول آرقه‌لی صادر بولیشی منع ایتیلیشی منطقه دولتلری نینگ تنقیدیدن هم چیت‌ده قالمه‌گن.
