.jpg)
هرات ولایتی بوییچه ایکینچیلیک ریاست مسؤوللری نینگ ایتیشیچه، جاری ییل اوشبو ولایتده زعفران محصولاتی 20% آشیشی تخمین ایتیلگن.
هرات ولایتیده ایکینچیلیک ریاست اورین باسری بشیراحمد احمدی نینگ ایتیشیچه، اوتگن ییل بو ولایتده 15 تُن زعفران کوتریلگن و بو ییل اوشبو رقم 17 تُن گه آشیشی ممکن.
جناب احمدی گه کوره، زعفران ایکیلگن ییرلر کوپهیگنی باعث، اوشبو اوت نی محصولی کوپهیگن. اونینگ ایتیشیچه، اوتگن ییل 5 مینگ هکتار ییرده زعفران ایکیلگن ایکن، بیراق بو ییل 7 مینگ هکتار ییرده زعفران ایکیلگن.
هرات ولایتیده زعفرانچیلردن بیرقطاری، جاری ییلده اوشبو اوت ایکینی و محصولاتینی تکرارسیز بیلیشهدی، بیراق نرخی قویی بولگنی، قوشنی مملکتلردن زعفران آلیب کیلینیشی و ساتیش اوچون بازار یوقلیگیدن خواطر بیلدیریشهدی.
هرات ولایتیده زعفرانچیلردن بیری ضیاالحق نینگ ایتیشیچه، زعفران نینگ محصولاتی یخشی بولگنیگه قرهگنده، بازاری یخشی ایمس دیر.
.jpg)
شونینگدیک، هرات ولایت کینگشی نینگ اعضالری، قوشنی مملکتلر اینیقسه ایراندن زعفران قاچاق آلیب کیلینیشینی بیلدیریب و محلی اداره دن بو ایش گه توسیق بولیشینی سورهگن.
هرات حاکمی سوزلاوچیسی جیلانی فرهادنینگ ایتیشیچه، ایراندن قاچاق شکلده کیلهدیگن زعفران گه توسیق بولیش اوشبو ولایت نینگ محلی ادارهسینی بیرینچی ایشلریدن بولگن و بو اداره چیتایلدن قاچاق زعفران آلیب کیلیش اوچون کیمسه گه رخصت بیرمهیدی.
ایتیلیشیچه، هرات ولایتیده زعفران ایکیلهدیگن ییرلردن کوپینچهسی پشتونزرغون، انجیل، گذره، کرخ، چشت، زندهجان و غوریان تومنلریده جایلشگن.
شو توغریده…
هرات ولایتیده مملکت زعفرانینینگ بیرینچی انستیتوتینی تمل تاشی قوییلدی
