افغانستان نمایندهلر کینگشینینگ اعضاسی و اوشبو کینگشنینگ عدلی و قضایی ایشلری بوییچه هرات و نیمروزگه یوباریلگن هیأت اعضاسی محمدسرور عثمانی فراهی، بوگون مذکور ایکی ولایت گمرکینینگ درآمدی کمهیگنی و محبوسلرینینگ وضعیتی توغریسیده تیارلگن گزارشینی ارایه ایتیش چاغیده ایتیشیچه، اولرنینگ تیکشیروولرینی نتیجهسی نیمروز گمرکینینگ درآمدی 3 آی جریانیده 892 میلیون افغانی کمهیگنینی کورستهدی و بو رقم بیر ییل جریانیده 3 میلیارد افغانیدن کوپراق بولهدی.
جناب عثمانی گه کوره، نیمروز گمرکینینگ درآمدی کمهییشیگه علاقه اساسیده تعیینات، سوداگرلر بیلن گمرک مسؤوللرینینگ ناتوغری حرکتی و فساد کینگهیگنی سبب بولگن. شو یوزهدن، عثمانینینگ ایتیشیچه، عدلی و قضایی ادارهلر گمرکلرده فسادنی تیکشیریشی کیرهک.
عین حالده، نمایندهلر کینگشی باشلیغی، برچه مسؤول ادارهلردن بو گزارشنی جدی آلیب و بو توغریده چاره تدبیر کوریشلرینی سورهدی.
اوشبو گزارش گه کیریتیلگن معلوماتلر توغریسیده نیمروز گمرکی مسؤوللرینینگ فکرینی اورگهنیش اوچون علاقه قوردیک، بیراق علاقه قوریش توغریسیده بولگن سعی و حرکتلریمیز نتیجه بیرمهدی.
