بوگون «شنبه» نمایندهلر کینگشینینگ عمومی ییغینیده، اوشبو کینگشنینگ مالی و بودجه کمیسیونی وزیرلیکلر و دولتی ایرکین ادارهلرنینگ رواجلنتیریش بودجهسینی خرجتینی تیکشیریش گزارشینی ارایه قیلدی. اوشبو گزارش اساسیده، 6 وزیرلیک و دولتی ایرکین ادارهنینگ رواجلنتیریش بودجهسینی خرجتی صفر دیر.
اوشبو گزارشده ملی مدافعه و عیاللر وزیرلیکلری، نمایندهلر کینگشی، سنامجلسی، کیچیک منبعلردن حمایت قیلیش خصوصیده قولیلیک یرهتیش اداره و ملی و استندرد ادارهسی رواجلنتیریش بودجهسینی خرجتی صفر بولگن ادارهلر دیر.
مذکور گزارشنی ارایه قیلگن نمایندهلر کینگشینینگ مالی و بودجه کمیسیونی باشلیغی عظیم محسنی، اونینگ نتیجهسینی قانیقرلی ایمس دیب ایتیشیچه، جاری ییل، جوزا آیینینگ 5 گچه برچه دولتی بولیملر رواجلنتیریش بودجهلریدن یالغیز 18 فایزینی خرچ قیلگن؛ لیکن حاضرگچه رواجلنتیریش بودجهلر کمیده 40% خرج ایتیلیشی کیرهک ایدی.
باشقه تاماندن، اوشبو ییغیننی رهبرلیک قیلگن نمایندهلر کینگشینینگ ایکینچی اورین باسری امیرخان یارنینگ ایتیشیچه، رواجلنتیریش بودجهلرینی خرج قیلیشگه ناکام قالگن ادارهلر نمایندهلر کینگشی گه چقیریلیب و بو توغریده جواب بیریشلری لازم.
نمایندهلر کینگشینینگ گزارشینی نتیجهسیگه قرهگنده، دولتی ادارهلر رواجلنتیریش بودجهلرینی خرج قیلیشده خواطرلی شکلده کوچسیز عمل قیلگن و کوپینچه ادارهلرنینگ رواجلنتیریش بوجهسینی یخشی بیر شکلده 10% گچه خرج ایتیلگن.
اوشبو گزارش نیچه وقت آلدین نمایندهلر کینگشینینگ سابق گزارشیده هم ادارهلر و دولتگه تیگیشلی تورلی بولیملر رواجلنتیریش بودجهلرینی خرج قیلیشگه ناکام بولگنی توغریسیده خواطر بیلدیریلگن بیرچاغده نشر قیلینگن.
