افغانستان ایکینچیلیک، چارواچیلیک و سوولنتیریش وزیرلیگی مسؤوللرینینگ ایتیشیچه، مملکتنینگ 10 ولایتیده 37 میلیون دالر ارزشیگه 12 موزخانه قوریلهدی و اوشبو موزخانهلر قوریلگنده سوداگرلر و ایکینچیلرنینگ کوپینچه قیینچیلیکلری حل ایتیلهدی.
بوگون «یکشنبه» کابلده خبری ییغین اوتکزگن ایکینچیلیک، چارواچیلیک و سوولنتیریش وزیرلیگی سوزلاوچیسی اکبر رستمینینگ ایتیشیچه، مذکور موزخانهلر غزنی، پروان، کاپیسا، کندهار، لوگر، پکتیا، فاریاب، وردک، نیمروز و فراه ولایتلریده تازه میوهلرنی سقلش اوچون قوریلهدی.
جناب رستمیگه کوره، ایکینچیلیک، چارواچیلیک و سوولنتیریش وزیرلیگی کیلهجک قویاش ییلده مملکتنینگ باشقه 6 ولایتیده 8 سوداگرلیک موزخانه قوریلیشی خصوصیده قرار قیلگن.
ایکینچیلیک، چارواچیلیک و سوولنتیریش وزیرلیگی مسؤوللرینینگ کوپهیتیریشیچه، 1397- مالی ییلده اوشبو وزیرلیکنینگ رواجلنتیریش بودجهسی 9 میلیارد و 450 میلیون افغانیدن کوپراق بولگن و بو وزیرلیکنینگ اساسی مسؤولیتلریدن بیری میوه و سبزواتلرنی سقلش اوچون موزخانهلر قوریشی دیر.
