خوست ولایتیده داکار مؤسسهسیده فنی و مسلکی تعلیماتلر آلگن مذکور ولایت یشاوچیلریدن بیرقطارینینگ ایتیشیچه، اوشبو تعلیماتلر آلینگنیدن سونگ، خوست ولایتیده عایلهوی زوروانلیکلر رقمی کمهیگن.
اولرگه کوره، فنی و مسلکی تعلیماتلر سبب، قطار عایلهلرنینگ اقتصادی و اوتمیشگه نسبتن تیریکچیلیکلری یخشی بولگن.
گل جمیله و بیبی گل، داکار مؤسسهسیده فنی و مسلکی تعلیمات آلگن عیاللردن دیر.
اولرنینگ ایتیشیچه، فنی و مسلکی تعلیمات آلیب ایرلرینینگ یانیده اوی ملزمهلرینی آلیشده سهم آلیب و شونینگدیک، تیریکچیلیکلریده بولگن قیینچیلیکلرنی کمهیتیرگن.
شونینگدیک، خوستده فنی و مسلکی تعلیماتدن فراغت حاصل قیلگنلردن باشقه بیرقطارینینگ ایتیشیچه، تعلیمات آلگنلریدن سونگ، اولرنینگ تیریکچیلیکلریده ایجابی اوزگریشلر کورینگن.
خوست ولایتیده داکار مؤسسهسینی مسؤولی محمد سعیدنینگ ایتیشیچه، بو ولایتده 60 عیال و 60 ایرکک شامل 120 کیشی گه فنی و مسلکی تعلیمات بیریلگن.
اونگه کوره، بو مؤسسه ینگی ییل جریانیده خوست شهری و تومنلریده 200 کیشی گه فنی و مسلکی تعلیمات بیریش گه قرار قیلگن.
داکار مؤسسهسی مسؤوللری تامانیدن بیریلگن معلومات اساسیده، فنی و مسلکی تعلیمات تیکووچیلیک، نل اوزهتیش، گل تیکیش و موترسایکل تمیرچیلیگیدن عبارت بولگن.
