بوگون «جمعه» توش‌دن کیین تینچلیک عالی کینگشی‌نینگ باشلیغی محمدکریم خلیلی بیر خبری ییغین اوتکزیب ملی بیرلیک حکومت رسمی‌لری، سیاسی سیمالر و افغانستان اهالی‌سیدن بیر گروه صفتیده تنیچلیک لایحه‌سی توغریسیده توقنه‌شیش‌لرینی سوره‌گن.
جناب خلیلی نینگ ایتیشیچه، تینچلیک سوزلشوولری اونملی بیر باسقیچ گه ییتیشگن و تینچلیک لایحه‌سیده بیرلیک و بیردملیک بیلن توقنه‌شیش کیره‌ک.
خلیلی نینگ اورغولشیچه، «حکومت و ملی بیرلیک حکومت رهبرلیگی یالغیز حکومت آدرسیدن تینچلیک لایحه‌سی نینگ تعقیب قیلگن صورتده، ناکام بولیشی ممکن و شونینگدیک سیاسی حزبلر یالغیزلیک بیلن مذکور پروسه نی تعقیب قیلگن صورتده ینه هم ناکام بولیش‌لری ممکن.»
محمدکریم خلیلی صحبت‌لری دوامی‌ده افغانلر ارا سوزلشوولر اوستیگه اورغوله‌یدی.
جناب خلیلی ینه بیر مرته اوتگن کون اسلامی بیرلیک حزب رهبری عبدالعلی مزاری نینگ ایسلش مراسمی اوستیگه اویوشتیریلگن هجوم نی قاره‌لب و ملی بیرلیک حکومت رهبرلیگی، کیسکین حمایوی کوچلر و امنیتی مسئولردن حادثه عامل‌لری تانیلیب قولگه آلیشی نی سوره‌گن.
خلیلی گه کوره، بوندی بیر حرکتلر هیچ قچان اولرنینگ تینچلیک ایسته‌ش و تینچلیک‌دن طرفدارلیک قیلیش‌لریگه توسیق بوله آلمه‌یدی.
اوتگن کون عبدالعلی مزاری نینگ ایسلش مراسمی اوستیگه بولگن هجوم‌ده 11 کیشی هلاک و باشقه 95 کیشی تن جراحتی کوتاردی.
تینچلیک عالی کینگشی باشلیغی نینگ ایتیشیچه، 24- حوت ده اسلامی بیرلیک حزبی نینگ سابق رهبری عبدالعلی مزاری اوچون یولگه قوییله‌دیگن کتته ییغین یولگه قوییلمه‌سی ممکن.
