بوگون "چهارشنبه" کابلده بیری ییغین آرقهلی نطق سوزلهگن سیلاولر ایرکین کمیسیونینینگ باشلیغی گلاجان عبدالبدیعنینگ ایتیشیچه، اوشبو کمیسیون بایومتریک سیستمه‌سی نی قوریش اوچون سعی و حرکت قیلهدی.
آواز بیرووچیلرنی بایومتریک قیلیش مملکت سیاسی حزبلرینینگ ایستکلریدن بیری دیر، بیراق جناب صیاد نینگ ایتیشیچه، بایومتریک سیستمهسینینگ مالیکیتینی سیلاولر ایرکین کمیسیونی اختیاریگه بولیشی کیرهک.
سیلاولر ایرکین کمیسیونینینگ رسمیلریگه کوره، نمایندهلر کینگشی سیلاوینینگ 28 میزانده یولگه قویلیشی اوچون بوتون تیارگرلیکلر آلینگن و سیلاولرنینگ تعیین ایتیلگن چاغده یولگه قویلیشی کیرهک.
عینحالده، سیلاولر شکایتلرینی تینگلش کمیسیونی باشلیغی عبدالعزیز آریایینینگ ایتیشیچه، سیاسی حزبلرنینگ قطار ایستکلری توغری دیر و اولر گه دقت قیلیش کیرهک؛ بیراق ماجراپرستلیک قیلهدیگن حزبلرنینگ یوز بیرهدیگن واقعهلر مسوولیتینی قبول قیلیشی لازم.
نیچه پیت آلدین بویوک ملی ایتلاف طرفدارلریدن قطاری، مملکت تورلی ولایتلریده سیلاولر ایرکین کمیسیونینینگ دفترینی یاپیب و سیلاولرده بایومیتریک سیستمهسیدن قولهنیلیشنی سورهگن ایدیلر.
