میدیالرگه ییتیشگن حجت اساسیده، مملکت باش محکمهسی جمهور رئیس نینگ ایش دورهسینی کیلهجک جمهورلیک ریاستی سیلاوی یولگه قوییلیب و ینگی جمهور رئیس تنلنگونگهقدر اوزهیتیرگن.
باش محکمه نینگ اوشبو فرمانی صادر ایتیلیشیدن آلدین، سیاستچیلر، حقوقدانلر و جمهورلیک ریاستی سیلاوی نینگ نامزدلریدن بیرقطاری، بیشینچی ییل، 1- جوزا دن سونگ، جمهور رئیس غنی نینگ ایشی دوام ایتیشی گه قرشیلیک بیلدیریب و وقتینچهلیک حکومت تشکیل ایتیلیشینی ایستهگن ایدیلر.
باش محکمه تامانیدن صادر ایتیلگن فرماننی باشقه بیر بولیمیده کیلیشیچه، جمهور رئیس نینگ ایش دورهسی ینگی جمهور رئیس تنلنگن صورتده، بیشینچی ییل، 1- جوزا دن کیین یکونلنهدی.
عین حالده، باش محکمهنی ایتیشیچه، مملکت نی حاضرگی شرایطی گه قرهگنده بیرینچی عملی و منطقی یول جمهورلیک ریاستی سیلاوی یولگه قوییلگونگهقدر جمهور رئیس و اورین باسرلری نینگ ایشی دوام ایتیشی گه دیر.
سلاموطندارگه صحبت بیرگن اساسی قانون تطبیقاتیدن نظارت قیلووچی کمیسیون اعضاسی عبدالله شفایی نینگ ایتیشیچه، جمهورلیک ریاستی سیلاوی نینگ یولگه قوییلیش زمانی اساسسیز دلیللر بیلن آرتده قالدیریلگن.
جناب شفایی گه کوره، ورینت یا-ده بدیل بیر حکومت بولمهگنده ملی بیرلیک حکومتی نینگ یکونلنیشی مملکت منفعتی گه ایمس دیر.
عین حالده، جمهورلیک ریاستی سوزلاوچیسینی اورین باسری شاهحسین مرتضوی نینگ ایتیشیچه، جمهور رئیس نینگ ایشی توغریسیده قانون آچیقلیک بیرگن و شونینگدیک، اساسی قانوننی تفسیر قیلووچی مرجع معلوم بولگن.
جناب مرتضوی گه کوره، جمهورلیک ریاستی نینگ 5 ییللیک دورهسی 6 آی سونگ یکونلنهدی.
شو توغریده…
دانش: سیلاو آرتده قالدیریلگن صورتده، دولت قوریش لایحهسی توختهلیشی ممکن
