افغانستان تینچلیک لایحه‌سی بوییچه آمریکا تشقی ایشلر وزیرلیگی‌نی خاص نماینده‌سی زلمی خلیلزادنینگ ایتیشیچه، ننگرهارده داعش گروهی نینگ مغلوبیتی گه چیت‌ایللیک و افغانستان خوفسیزلیک کوچلری نینگ یانیده طالبان گروهی هم رول اوینه‌گن.
سه‌شنبه دن چهارشنبه گه اوتر کیچه، 12- قوس، جناب خلیلزاد تامانیدن بولگن توییتده یازیلیشیچه، «ننگرهارده بولگن سونگی کمپاین بیر اورنک دیر. قوشمه ایالت‌لر، افغان خوفسیزلیک کوچلری و شونینگدیک، طالبان نینگ تأثیرچن عملیات‌لری باعث، داعش-خراسان ییر بوتونلیگی و جنگریلرینی قولدن بیرگن.»
اونینگ کوپه‌یتیریشیچه، «یوزلرچه‌سی تسلیم بولیشگن. خراسان داعشی یوق ایتیلمه‌گن، بلکیم بو کیلیشمه‌لر حقیقی دیر.»
شونینگدیک، او، آمریکا جمهور رئیسی دونالد ترامپ نینگ افغانستان گه قیلگن سفریده بیرگن نطقی گه اشاره قیلگن. ترامپ نینگ ایتیشیچه: «افغانستانده داعش گه قرشی اساسی کیلیشمه‌لر یوز بیرگن.»
شونده‌ی بیرحالده، بوندن آلدین جمهور رئیس غنی و ایچکی ایشلر وزیرلیگی سرپرستی مسعود اندرابی نینگ اعلان قیلیش‌لریچه، چیت‌ایللیک کوچلرنینگ حمایتی بیلن مدافعه و خوفسیزلیک کوچلری تامانیدن ننگرهارده داعش گروهی مغلوب ایتیلگن.
شونینگدیک، بوندن آلدین طالبان گروهی نینگ ادعا قیلیشیچه، اوشبو گروه گه تیگیشلی جنگریلر ننگرهارده داعش گروهی نی مغلوب ایتگن، بیراق خوفسیزلیک اداره‌لری بو ادعانی رد قیلگن.
شو توغریده…
ننگرهار؛ داعش اعضالریدن کمیده 700 ته‌سی حکومت‌گه قوشیلگن
