.jpg)
افغانستان ژورنالست‌لری‌نینگ ایرکین انجمنی باشلیغی رحیم‌الله سمندری نینگ سلام‌وطندارگه ایتیشیچه، خبرچی‌لرگه قرشی بوله‌دیگن خشونت‌لر آلدینی آلیش خصوصی‌ده خاص کمیته ایجاد ایتیلیب، خبرچی‌لرگه قرشی بوله‌دیگن خشونت‌لر آلدی آلینیشی اوچون دولت‌نی جدی شکلده توجه‌سینی آله‌دی.
جناب سمندری‌نینگ کوپه‌یتریشیچه، اونلرچه خبرچی افغانستان‌ده دولتی و نادولتی نهادلر تامانیدن تهدیدگه روپه‌ره بوله‌دی. اما حاضرگه قدر بولیب کیلگن خشونت‌لر تیکشیریلیش باره‌سیده هیچ بیر ایش بولمه‌گن.
شو بیلن بیرگه افغانستان خبرچی‌لری فدراسیونی نینگ باشلیغی فهیم دشتی گه کوره، خبرچی‌لرگه قرشی بوله‌دیگن خشونت‌لر آلدی آلینیشی خصوصی‌ده ایجاد ایتیلگن کمیته رسانه جامعه‌سیده روی بیره‌دیگن خشونت‌لر کمه‌یشیگه سبب بوله‌دی.
.jpg)
جناب دشتی‌نینگ کوپه‌یتریشیچه، اوتگن ییل‌لرده خبرچی‌لرگه قرشی کوپلب خشونت‌لر بولگن، بیراق بولرگه قرشی بولگن خشونت‌لر دوسیه‌سی یاپیق شکلی‌ده قالگن دیر.
خبرچی‌لرگه قرشی بوله‌دیگن خشونت‌لر آلدینی آله‌دیگن کمیته نینگ 5 اعضاسی بار و باشقرلاوچی‌لیک اداره‌سی تشکلی‌گه جایلشتیریلگن.
کمیته اعضالرینی باشقرلاوچی‌لیک اداره‌سی، ملی امنیت ریاستی، ایچکی ایشلر وزیرلیگی، اخبارات و مدنیت وزیرلیگی و افغانستان خبرچی‌لری نینگ فدراسیونی تشکیل بیره‌دی.
گزارشلرگه قره‌گنده نیچه ییلدن بویان خبرچی‌لرگه قرشی 620 مرته خشونت رویخط‌گه آلینگن که بولردن 59 مرته‌سی خبرچی‌لرنینگ قتل ایتیش هم بولگن.
