.JPG)
جوزجان حاکمی سوزلاوچیسی عبدالمعروف آذرنینگ ایتیشیچه، طالبان منگجیک تومنیدن ۳۰۰ عایله نی زوردن کوچیرگن. مذکور عایله‌لر منگجیک تومنی نینگ «چهارشنغو و هارون دوم» قیشلاغیدن کوچیریلگن.
جوزجان حاکمی سوزلاوچیسی نینگ سلام‌وطندارگه ایتیشیچه، طالبان حاضر تینچ‌اهالی نینگ اویی‌دن سنگر صفتیده فایده‌‌لنیب و امنیتی کوچلر بیلن اوروشماقده. اونگه کوره، طالبان امنیتی کوچلرنینگ برابریده مغلوب بولگنیدن کیین بونده‌ی اقدام‌لرگه قول اورگن.
طالبان آرقه‌لی زوردن کوچیریلگن عایله‌لردن قطاری نینگ ایتیش‌لریچه، هیچ بیر امکانیت بیلن قاچگنلر و حاضر یمان وضعیتده قرار تاپگنلر.
شونینگدیک مذکور عایله‌لرنینگ ایتیش‌لریچه، طالبان تینچ‌اهالی نینگ اوی‌لریدن سنگر صفتیده قوللنه‌دی.
طالبان حاضرگچه بو حقده فکر بیلدیرمه‌گن. شونینگدیک طالبان اوتگن ییل‌لرده یوزلرچه عایله نی جوزجان ولایتی نینگ مردیان و خماب تومن‌لریدن زوردن کوچیرگن ایدی.
