اوشبو واقعه بوگون «دوشنبه، 22- ثور» ایرتهلب فاریاب ولایتی نینگ خواجهسبزپوش تومنیده یوز بیرگن.
فاریاب ولایتی نینگ خواجهسبزپوش تومنی ولسوالی عبدالله معصومی نینگ ایتیشیچه، طالبان گروهی هردایم قیشلاقلرده کوچهلرگه کیلیب و اوروش تکتیکینی کوچلنتیریش اوچون نشان اوریشهدی.
اونگه کوره، بو گروه بیر ایت نی نشان آلگن، لیکن اوقلری خطا شکلده 7 یاشر بیر باله نینگ قارنی گه تیکَّن.
عین حالده، فاریاب ولایتی بوییچه ساغلیقنی سقلش ریاست مسؤوللری نینگ ایتیشلریچه، بو واقعه نتیجهسیده مذکور باله نینگ ایچکلری تشقری چیققن و باله نینگ تیریک قالیش احتمالی جوده هم آز دیر.
طالبان گروهی حاضرگهقدر بو واقعه توغریسیده هیچ نرسه دیمهگن.
