جوزجان ولایتی نینگ بیر قنچه یشاووچیلری، ولایت نینگ قطار تومنلریده عیال شفاکارلر یوقلیگیدن شکایتده‌لر.
جوزجانلیک بو یشاووچیلر، ولایت نینگ بیر قنچه تومنلریده عیال داکترلر بولمه‌گن لیگی سبب، کسللرینی داکتر کورسه‌تیش اوچون باشقه بیر تومن یا – ده ولایت مرکزی شبرغان شهریگه آلیب کیلیش‌گه مجبور ایکن لیگلرینی تیلگه آلگنلر. انه شو سبب ایریم پیتلرده کسللری یوللرده حیاتدن کوز یومیشی‌نی ایتگن صحبتداشلر.
کسللرینی ولایت نینگ مینگچیک و قوش‌تپه شفاخانه‌لریگه آلیب کیلگن جوزجان ولایتی نینگ اوزاق حدودلریده جایلشگن ایریم تومنلرنینگ اهالیسی سلام‌وطندار ترماغیگه بیرگن صحبتده، منطقه‌لریده عیال داکترلر بولمه‌گن لیگی باعث نیچه ساعتلیک یولنی باسیب اوتیب بو تومن‌گه کیلگن لیکلرینی ایته‌دی.
حامله‌لی عیاللر باشقه کسللردن کوره کوپراق یولده قیین چیلیککه روپه ره بوله‌دی دیدی شفاخانه‌گه دواله‌نیش اوچون کیلگن منه بو خاتین. شونینگدیک ایریم شخصلر، ولایت مرکزی ینه قوشنی تومنلرگه دواله‌نیش اوچون یول کرانی تولش کوچیگه ایگه ایمس ایکن لیکلریدن نالیگنلر.
خلق، مرکزی دولتدن تومنلریگه عیال شفاکارلر یوباریشنی طلب قیلگن.
جوزجان ساغلیقنی سقلش ریاستی نینگ باشلیغی داکتر فریدون حبیب، مذکور ولایت نینگ چیکه حدودلریده جایلشگن تومنلرده عیال داکترلر یوق لیگینی اعتراف قیلیب، نا تینچ تومنلرده عیال شفاکارلر ایش بجریش اوچون قیزیقمی دیلر دیگن.
جناب حبیب، تیز آره ده بیر قنچه تومنلرگه عیال داکترلر همده قابله‌لر یوباریلیشی اوچون سعی وحرکتلر بارلیگینی تیلگه آلگن. اونگه کوره، اولسوالیکلرگه کیته‌دن عیال داکترلر اوچون ییترلی آیلیک نظرده توتیلگن.
جوزجان ولایتی نینگ 11 تومنی بار. قرقین، خانقاه، مُردیان، خماب، خواجه‌دوکوه و فیض آباد تومنلریده عیال شفاکارلر یوق لیگی ایتیله‌دی. بو تومنلرنینگ اهالیسی کسللرینی اوزاق یوللرنی باسیب اوتیش نتیجه‌سیده جوزجان مرکزیگه آلیب کیله دیلر.
