ایش و اجتماعی مسالهلر بوییچه وزیرلیک بیرینچی مرته زیان کورگن، یتیم و قراوسیز بالهلرنی حمایت قیلیش ملی کونینی کابلده نشانلهدی.
وزیرلیک نینگ مسووللری، یتیم و قراوسیز بالهلرنینگ وضعیتی یامان ایکن لیگیدن خواطر بیلدیرگنلر. قراوسیز همده یوقسیل بالهلرنینگ احوالی یخشی بولیشی اوچون ینگی برنامهنی قولگه آلگنلیکلری ایتیلهدی.
ایش و اجتماعی مسالهلر وزیرلیگی نینگ تامینات و انتظام بولیمی رییسی عبدالرازق سالار، حاضرگی کونده چمهسی 6 میلیون بلاغتگه ییتمهگن گودک یامان احوالده دیگن. اما، بو قتلم حایتی یخشی لهنیشی اوچون ملی بودجهده پول نظرده توتیلمهگن و بولرنینگ برنامهسی هم بودجهسیز عملی بولهدی.
آغیر محنتگه بیریلگن گودکلردن بیری شاهدالله، اقتصادی قیینچیلیک سبب مکتبگه بارهآلمسلیگینی ایتهدی. او، حکومتدن تعلیم و تربیه اوچون شرایط یرهتیب بیریشینی تکلیف قیلگن.
نابرقرارلیک، قشاقلیک و ایشسیزلیک کوپینچه بالهلرنی آغیر ایش بیلن شغللهنیشگه مجبور قیلگن. خانهدانلرنینگ یوقسیلیگی بالهلری مکتبدن قالیب آغیر ایشگه بیریلیشیگه زمینه بولگن.
