جمهور رئیس غنی نینگ اقلیتلر آسایشتهلیگی و اجتماعی بیردملیک ایشلری بوییچه مصلحتچیسی صاحبنظر سنگین، سلاموطندار آرقلی نشر ایتیلگن تحقیقی گزارشدن «اخلاقی فساد و بیر عیالنی قاچیریش» کیین بوگون قطار حجتلرنی سلاموطندارنینگ اختیاری گه قویگن کیم اولرنینگ کورستیشیچه، جناب سنگین نینگ دوسیهسی ییترلیچه حجت بولمهگنی باعث، غرب زونیده استیناف قارهلاوچیلیگی تامانیدن سقلنگن.
سلاموطندارگه ییتیشگن صاحبنظر سنگین تامانیدن قارهلاوچیلیککه یوباریلگن درخواستی قاغذ گه، جناب سنگین قارهلاوچیلیکدن شکریهنینگ قیینآتهسی حفیظالله تامانیدن اونگه قرشی ادعا بولگن «زنا فعلی» نی تیکشیریب و بو ادعانی ثابتلش اوچون حفیظالله دن تدقیقات قیلینیشی نی سورهگن.
مذکور قاغذنینگ بیر بولیمیده کیلیشیچه: «حفیظالله تحقیقی و امنیتی ادارهلرگه ناتوغری معلومات بیریش گه علاوه مسئوللرنینگ وقتی نی ضایع قیلگن و جزا کودینینگ 476 و 477 مادهسی و جزایی اجراأت قانونی نینگ 42- مادهسی اساسیده، ناتوغری معلومات بیریش جرم دیر و جزا کودی نینگ 673- مادهسی اساسیده، جزالنیش گه سزوار و شونینگدیک مینی برابریمده هم جرم قیلگن کیم اونگه هم جزاسی بار.»
بوندن کیین، صاحبنظر سنگین نینگ مدافع وکیلی محمدعلی فرهنگ غرب زونینینگ استیناف قارهلاوچیلیگی گه یوبارگن باشقه بیر درخواستی قاغذ گه، موکلی نینگ ایستگی و اونینگ گناهسیزلیگی اوستیگه اورغولب ایتیشیچه، «حفیظالله اونینگ موکلی گه تهمت قیلگن.»
اوشبو قاغذنینگ آستیگه جرملرنینگ تحقیق آمری امضاءلگن و اوشبو دوسیهنی تیکشیرهدیگن کمیته گه قانون اساسیده اجراأت قیلیشلری توغریسیده بویروغ بیرگن.
نهایتده، اوشبو دوسیهنی تیکشیرهدیگن کمیته بیر مکتوب گه « حفیظالله مذکور کیشی نینگ ناقانونی علاقه و بیر عیال نینگ اوچ بالهسی بیلن قاچیریشی توغریسیده عیبلنگنی نی اثباتلش اوچون هیچ قندی حجت قارهلاوچیلیک که تاپشیرمهگن.»
مذکور مکتوب نینگ باشقه بیر بولیمیده کیلیشیچه: «صاحبنظرسنگین، حفیظالله آتلی کیشی نینگ کیلینی بیلن ناتوغری علاقهسی بولگنی توغریسیده، هیچ قندی حجت و سند قارهلاوچیلیک که تاپشیریلمهگن و شو یوزهدن قاغذلرنی تیکشیرهدیگن هیأت شکریه و صاحبنظر سنگین نینگ اویدن قاچیش و ناتوغری علاقهسی توغریسیده بولگن نظری اساسیده، دوسیه آلغه بارمهیدی.»
بولرنینگ یانیده، صاحبنظر سنگین نینگ ادعاسیگه کوره، اوشبو تهمتلر و دوسیهلر سیاسی رقیبلری آرقلی توزهتیلگن. جناب سنگین مکتوبلردن بیری نی کیم اونگه اجرایی ریاستی نینگ انسانی منبعلر باشلیغی عبدالکریم کریمی نی امضاسی کورینهدی سلاموطندارگه تاپشیریب ایتیشیچه، اوشبو حجت نمایندهلر کینگشی سیلاوی گه کاندید قیلمسدن آلدین استعفا قیلگنی نی کورستهدی.
بیراق اجراییه ریاستیدن انیق منبعلرنینگ ایتیشیچه، اوشبو ریاستده استخدام قیلیش و چیکلنتیریش جناب عبدالله عبدالله نینگ صلاحیتلریدن بولیب و اونینگ بیلن اویغونلیک قیلمسدن صورت تاپمهیدی. اوشبو منبع گه کوره، صاحبنظر سنگین منفک بولگن و استعفانی منظور قیلیش یالغیز اجراییه باشلیغی نینگ صلاحیتلریدن دیر.
عین حالده، سلاموطندار بیلن صحبت اوتکزگن جمهور رئیس غنی نینگ اقلیتلر آسایشتهلیگی و اجتماعی بیردملیک ایشلری بوییچه مصلحتچیسی صاحبنظر سنگین گرچند بیرار کیشیدن آت توتمهیدی بیراق ایتیشیچه، کوپینچه کیشیلر اونینگ بدنام قیلیشی اوچون حرکت قیلهدی. جناب سنگین نینگ ایتیشیچه: «حفیظالله یالغیز بیر وسیله دیر و بو کیشی مینی بدنام قیلیش اوچون باشقهلرنینگ قولیگه توشگن بیر وسیلهدیر.»
اوتگن کون سلاموطندار حجتلر اساسیده، بیر تحقیقی گزارش ترقتدی کیم اونگه کوره، صاحبنظر سنگین «اخلاقی فساد و بیر عیالنی قاچیریش» عیبلنگن ایدی.
شو توغریده:
