بوگون «دوشنبه» ایرتهلب جوزجان مرکزی شبرغان شهری نینگ صوفیقلعه قیشلاقی یشاوچیلری مذکور قیشلاق یوللری نینگ بوزوغلیگی باعث ناراضلیک نمایش یولگه قوییب و اوچ قیشلاق نینگ یولی نی باغلهگنلر.
اهالی گه کوره، مذکور یوللرنینگ بوزوغلیگی اوشبو منطقه یشاوچیلری نینگ قطاری نی هلاک و تنجراحتی کوتاریشی گه سبب بولگن.
اولر، شونینگدیک تحصن خیمه قوریب آگاهلنتیریشلریچه، دولت اوشبو یوللرنی قیته قوریش ایشی نی باشلگونگه قدر یول نی موترلرنینگ کیتیب کیلیشی یوزیگه آچمهیدیلر.
شونینگدیک غضبلنگن ایرککلردن قطاری مذکور یولنینگ باشقه بیر بولیمی نی باغلب ایتیشلریچه، اوشبو یول قوریلیشی اوچون اَجرهتیلگن پوللر تالان ایتیلگن و دولت مذکور یول نی قوریلیشی اوچون تیزلیکده اقدام قیلمهگن صورتده دولت بیلن علاقهلرینی کیسیشلری ممکن.
شو توغریده:
- اعتراضچیلر تخار حاکمینینگ دفترینی برابریده تحصن قیلگنلر
ناتیینچلیک سبب فاریاب اهالیسی تحصن خیمه قورگن
«اوزگریش قوزغلانی» نینگ تحصنیگه توقیز کون تولدی
شوندی بیر حالده، جوزجان حاکمی سوزلاوچیسی فریدون انیق تیزلیکده مذکور یول نینگ قوریلیش ایشی باشلهنیشیدن خبر بیریب ایتیشیچه، جوزجان حاکمی اهالی بیلن صحبت اوتکزیب و بو توغریده کیلیشگنلر.
جوزجان مدنی فعاللرینینگ ایتیشلریچه، صوفیقلعه قیشلاقینینگ یولی یانیده شبرغان شهری نینگ باشقه 7 قیشلاق نینگ یوللری بوزوقلیک قیینچیلیگی بیلن روپهرو دیر.
