فریبا، آتهسی قرضینی اوزیش اوچون ایرته 25 یاشر ایرکک نکاحیگه بیریلگن بلاغتگه ییتمهگن 10 یاشر قیز. نکاح باغلش چاغیده تامانلر ارا فریبانینگ تورموش اورتاغی تورت ییلگه قدر او بیلن بیر یاستیققه باش قویمسلیگی قرار قبول قیلینگن. لیکن، تورموش اورتاغی نحاح خطگه کیریتیلگن موادگه عمل قیلمی، درحال بلاغتگه ییتمهگن فریبانی جنسی هجومگه آلهدی.
فریبانینگ سلاموطندارگه حکایه قیلیب ایتیشیچه، " تورموش اورتاغیمنینگ عایله اعضاسی کوندوز تیلَنچیلیک قیلیشگه مجبور قیلهدی و تونده ایسه تورموش اورتاغیمنینگ جنسی هوا و هوسی برطرف ایتیلیشی اوچون اساب بولهمن"
فریبا بیرینچی گَل تورموش اورتاغی آرقهلی قندهی جنسی هجومگه آلینگنلیگینی قوییدهگیچه حکایه قیلهدی: تویدن بیر آی اوتر اوتمس تورموش اورتاغی منطقه ملا امامی تامانیدن فریبا بیلن بیر یاستیققه باش قوییش حجتینی آلیب شاشلینچ حالتده اتاققه کیرهدی.
تورموش اورتاغی آرقهلی جنسی هجوم آستیگه آلینگن بلاغتگه ییتمهگن بو گودکنینگ روحی سلبی کورگنی بارهسیده حکایهنی دوام ایتیریب بوندهی دیدی: "اتاققه کیرگن پیتده قولیده قاغذ بار ایدی. نیچه وقتدن کیین بو قاغذ مین بیلن بیر یاستیققه باش قوییش اوچون منطقه ملاسیدن آلگن حجت ایکنلیگینی بیلدیم"
فریبا، بیش آیگه قدر بو وضعیت تونده بیر مرته دوام ایتگنلیگینی تیلگه آلگن.
بلاغتگه ییتمهگهگن کودگ صحبت جریانیده تجاوز صحنهلری ایسلنگنده، بدنیگه تیتراق پیدا بولهدی. مسووللر، فریبا دوامدار جنسی هجوم آستیگه آلینگنلیگی سبب نیچه مرته ساغلیقنی سقلش ادارسیده بسترگه یاتقیزیلگن لیگینی ایتگنلر.
فریبا، کیچه تورموش اورتاغی آرقهلی جنسی هجوم آستیگه آلینیشی و کوندوز تیلَنچیلیک جریانیده اهالی تامانیدن جنسی آزار اذیت ایتیلیشینی ایتهدی. اونینگ سوزلریگه کوره، هوتللردهگی مهمانلر و دکاندارلر بار – بار بیر یاستیققه باش قوییشنی سورهگنلر. فریبا کونلّلب پس مانده آزیق – اوقت بیلن قارین تویغیزگنلیکنی هم یاشیرمیدی.
فریبانی ساتیش حکایهسی
بلاغتگه ییتمهگن بو گودکنینگ آتهسی نجیب ناملی تاووق ساتیوچیلردن 120 مینگ افغانی قرضدار بولگن؛ او، قرضینی اوزیش اوچون ایرانده ایش قیلیش اوچون او مملکتگه یول آلهدی. بیراق، نجیب فریبانینگ آتهسیگه قیزینی اونشتیریب قرضنی اوزیشنی تکلیف ایتهدی.
تاووق ساتیوچی، دستلب فریبا بلاغتگه ییتمهگن 13 یاشیده بولگن بیر یاش ییگیتگه اونشتیریلیشینی تکلیف قیلهدی و فرییانینگ آتهسی ایسه بو مسالهنی تصدیقلیدی. اما، نیچه وقتدن کیین فرییادن 15 یاش کته بولگن بیر کیشی تاووق ساتیوچی همکارلیگی بیلن 13 یاشر ایسبرون ایرکک اورنیگه فریبا بیلن توی قیلهدی.
سلاموطندار ترماغی بیلن صحبت قیلگن تاووق ساتیوچینینگ اظهار قیلیشیچه، بو قیز آتهسینینگ رضایتی اساسیده ساتیلگن حادثهده رولی بولمهگن.
فریبا قندهی قوتقریلدی؟
فریبا تورموشگه چیقاریلگنیدن 6 آی اوتگندن سونگ، آنهسی قیزی حقیدهگی ظلم و ستمنی داکترلردن بیریگه حکایه قیلیب بیرهدی. شفاکار ایسه قیز بو وضعیتدن قوتیلیشی اوچون قانونی ادارهلرگه مراجعه قیلیشنی بویرهدی. فریبانینگ آنهسی درحال تخار ولایتینینگ خاتین – قیز لر ایشلری بوییچه ادارهسیگه شکایت قیلیب، نهایتده قیزنی یامان وضعیتدن چیقاریشگه موفق بولهدی.
حاضر فریبا تخار ولایتیده خوفسیزلیگی تامین ایتیلگن اویلردن بیریده یشیدی؛ دوسیهسی وکیل مدافعسی آرقهلی جریانده.
تخار ولایت خاتین – قیزلر ایشلری بوییچه باشقرمهنینگ باشلیغی رزمآرام حواشنینگ سلاموطندار بیلن قیلگن صحبتده، عدلی وقضایی ادارهلر تامانیدن واقعه عامللری قولگه آلینیب، جزالهنیشینی سورهگن.
تخار پولیس قوماندانلیگینینگ سوزلاوچیسی خلیل اسیر بو توغریده تیرگاو باشلنگن لیگینی ایتگن. او، حادثه عامللری قولگه آلینیب، عدلی و قضایی ادارهلرگه تاپشیریلهدی دیگن.
بولر ایچیده فریبانی تاووق ساتیوچیگه نکاح قیلیب بیرگن ملا، نامه یوللب، بلاغتگه ییتمهگن مذکور قیز تورموش اورتاغینینگ قانونی خاتینی دیگن.
ایتیش کیرهک فریبا بو قیزیگه قوییلگن ایکینچی آت. معین چیکلاولر باعث سلامطندار ترماغی قیزنینگ اصلی اسمی اورنیگه اونگه فریبا نام بیریشگه اولگورگن.
