هلمند ولایتی مهاجرلر ایشلری بوییچه ادارهنینگ مسؤوللری، ملی کوچلر بیلن دولت قوراللی مخالفلری اورتهسیده یوز بیرگن اوروشده ولایتنینگ ایریم ولسواللیکلریدن 2مینگه یقین خانهدان اوز یشش اویلریدن آواره بولیب، لشکرگاه شهریگه کیلگن دیگنلر.
ولایتنینگ مهاجرلر ایشلری بوییچه ادارهسی باشلیغی غلام فاروق نورزایینینگ سوزلریگه کوره، مذکور آواره بولگنلر لشکرگاه شهریده ییرلشگنلر.
نورزایی، آواره بولگنلر سانی انیقلهنیشی اوچون هر کون سرویلر اوتکزیلیشینی ایتهدی. اونگه کوره، مذکور تیکشیرودن سونگ آواره بولگن خانهدانلرگه کومک ایتیلهدی.
هلمند ولایتیده قیزیل یریم آی ادارهسینینگ ساحهوی نمایندهسی احمدولی، بوتون آواره بولگن عایلهلرگه امکان قدر یاردم ییتکزیب بیریلشینی بیلدیرگن.
.jpg)
مذکور یاردملر ییترلی بولمهگن لیگینی تیلگه آلگن اوشبو مهاجرلر، ولسواللیکلریده امنیتی تامین اییلیشی بارهسیده تاکیدلهگنلر. اولر مرکزی حکومتدن یاردم ییتکزیب بیریش اورنیگه قیشلاقلری امنیتی تامین لهنیشینی سوره گنلر.
حساباتلرگه قرهگنده، سونگی بیر ییل جریانیده هلمند ولایتینینگ 20 مینگ خانهدانی آواره بولگن. اولر بیر محلدن باشقه بیر محلگه باش پنه ایزله گنلیگی ایتیلهدی.
افغانستان جنوبیده جایلشگن هلمند ولایتی قوراللی طالبلرنینگ اصلی مرکزلریدن سنهلهدی و سونگی بیر نیچه آی ایچیده بو ولایتنینگ نابرقرالیگی کوتیلمهگن درجهده آشدی.
