افغانستان ساغلیقنی سقلش وزیرلیگی نینگ ایتیشیچه، اوتگن 24 ساعت جریانیده مملکت ده کرونا ویروس دن باشقه 656 ینگی ایجابی واقعه رویخط گه آلینگن.
بوگون «جمعه» مذکور وزیرلیک نینگ اعلامیهسیده کیلیشیچه، اوتگن 24 ساعت جریانیده رویخط گه آلینگن ینگی واقعهلردن 326 تهسی کابل ده قید ایتیلگن. ساغلیقنی سقلش وزیرلیگی تامانیدن بیریلگن سونگی رقملر اساسیده، اوتگن بیر کیچه-کوندوز ده غزنی ده 73 واقعه، بلخ ده 37 واقعه، قندهار ده 33 واقعه، نیمروز ده 20 واقعه و هرات و کنر ده 19-19 واقعه رویخط گه آلینیب مملکت بویلب یوقاری رقم نی اوزلری گه اختصاص بیریشگن.
شونینگدیک، ساغلیقنی سقلش وزیرلیگی تامانیدن بیریلگن معلومات اساسیده، اوتگن بیر کیچه-کوندوز ده مملکت ده کرونا کسللریدن 20 تهسی جان بیرگن و باشقه 602 تهسی نینگ قیته ساغهیگنی معلوم قیلینگن.
