سیاسی حزب‌لر و حرکت‌لردن بیرقطاری، سیلاولر ایرکین کمیسیونی‌نینگ ایکی تامانلمه حرکتی و بو توغریده جمهور رئیس‌نینگ بی‌فرق یانده‌شیدن تنقید قیلیب ایتیشیچه، اولرنینگ ایستک‌لریگه دقت قیلینمه‌گن صورتده، اولر سیلاولر ایرکین کمیسیونی گه همکارلیک قیلیش‌دن قول تارتیب و سیلاولرنی تحریم قیلیش موضوعی‌نی توشونه‌دیلر.
اوشبو ییغینده اسلامی جمعیت حزبی‌نینگ اعضاسی دکتور محی‌الدین مهدی و ملی اسلامی جنبش حزبی‌نینگ اعضاسی بشیراحمد ته‌ینچ نینگ ایتیشیچه، سیلاولر ایرکین کمیسیونی بیلن اوتکزیلگن ییغینده بولینگن تکلیف‌لرده هیچ بیر قیین‌چیلیک یوقلیگی ایتیله‌دی، بیراق جمهور رئیس‌نینگ برابریده تکلیف‌لر عمل‌گه آشیریلمه‌سی بیلگی‌لنه‌دی.
بیراق، جمهورلیک ریاستی مطبوعات دفتری سرپرستی شاه‌حسین مرتضوی‌نینگ ایتیشیچه، جمهور رییس غنی سونگی مرته سیاسی حزب‌لر بیلن اوتکزگن ییغینیده، تیزلیک‌ده سیلاولر یولگه قوییلیشی و اولرنینگ ایستک‌لری نظرگه آلینیشی توغریسیده سوز بیرگن.
سیاسی حزب‌لر و حرکت‌لر، کیله‌جک سیلاولر تعیین ایتیلگن زمانیده یولگه قوییلیشی اوستیگه تأکید قیله‌دیلر.
اهالی آوازی بی‌جا فایده‌لنمه‌سی، برچه شامل مملکت بویلب سیلاولر یولگه قوییلیشی توغریسیده زمینه یره‌تیلیشی، ناتینچلیک باعث، یاپیلگن مرکزلر آچیلیشی و سیلاولر ایرکین کمیسیونی‌نینگ ولایتی دفترلری و مرکزی دفتر تشکیلاتیده سیاسی حزب‌لر اوچون نظارت اتاقی ایجاد ایتیلیشی سیاسی حزب‌لر و حرکت‌لرنینگ ایستک‌لریدن بولیب ایکی هفته آلدین، جمهور رییس غنی و سیلاولر ایرکین کمیسیونی گه تکلیف ایتیلگن و اولرنینگ ایتیشیچه، حاضرگه قدر بو ایستک‌لرگه دقت قیلینمه‌گن.
