گلبدین حکمتیار رهبرلیک قیلهدیگن حزب اسلامی امنیت، یرهش و چیت ایللیکلر ارهلهشیشی آلدی آلینیشی اوچون تیز آرهده می اجماع تشکیل قیلهدی. ملی تفاهم دیب نام بیریلگن اوشبو اجماعگه حکومت نمایندهلری و سیاسی حزبلر قوشیلیشی ممکن.
حزب اسلامی سوزلاووچیسی نادر افغان نینگ سلاموطندارگه معلوم قیلیشیچه، اوشبو اجماع تیز آرهده موجودیتنی اعلان قیلهدی. جناب افغان اوشبو ملی اجماعگه جمعیت، وحدت، خوفسیزلیک و برقرارلیک کینگشی، جبهه نوین و برچه کینگشلر و سیاسی حزبلر اعضالیک قیلهدی دیدی.
اوتگن کون ترکیه پایتختی انقرهده جمعیت اسلامی، وحدت و جنبش ملی اسلامی اورتهسیده ینگی بیر ائتلاف وجودگه کیلگن بیر پیتده، حزب اسلامی اوشبو سیاسی جریاننی وجودگه کیلتیریش اوچون حرکت قیلگن.
ایریم تحلیلچیلر، افغانستان نجات ائتلافی آلدینی آلیش نیتده حکمتیار ملی اجماع سیاسی جریان ایجاد قیلیشگه سعی حرکت باشلهگن دیدیلر.
سیاسی تحلیلچی هادی میران جنبش، جمعیت و حدت حرکتی کوچسیز بولیشی اوچون افغانستان حکومتی هر قندهی باشقه بیر سیاسی جریاننی حمایت قیلهدی دیگن.
جناب میران، حزب اسلامی بوندهی بیر سیاسی جریان اورتهگه کیلتیریش بیلن حکومت سیاستلرینی قوللب قوتلهیدی دیگن.
نمایندهلر مجلسی نینگ اعضاسی غلام حسین ناصری، حکمتیار رهبرلیک قیله دیگن ملی اجماعده حکومت نینگ حضوری، عملدهگی حکومت مردمی حمایتنی قولدن بیرگن لیگینی کورستهدی دیدی.
