طالبان گروهی گه یقین منبعلر، سونگی کونلر قطرده اروپاییلیک رسمیلر بیلن طالبان گروهی نینگ نمایندهلرینی اوچرهشیشلری کوپهیگنیدن خبر بیرگن.
قطرده آمریکا و طالبان نمایندهلری آرهسیده اوتکزیلگن آلتینچی دور سوزلشوولر یکونلنگنیدن سونگ، طالبان گروهی نینگ نمایندهلری بیلن اروپاییلیک رسمیلرنینگ اوچرهشیشلری کوپهیگن.
قطرده طالبان گروهی نینگ سیاسی دفتری نی سوزلاوچیسی سهیل شاهین، اوتگن کون اوز توییتر صحیفهسیده یازیب طالبان گروهی نینگ سیاسی دفتری نی باشلیغی ملاعبدالغنی برادر بیلن افغانستان بوییچه اروپا بیرلیگینی خاص نمایندهسی رولاند کوبیا اوچرهشگنیدن خبر بیردی.
افغانستان بوییچه قوتقریش کینگش باشلیغی و طالبان گروهی نینگ سابق رسمیلریدن بیری سیداکبر آغا، اروپاییلیک رسمیلر بیلن طالبان گروهی نینگ نمایندهلرینی اوچرهشیشلری کوپهیگنی گه اشاره قیلیب ایتیشیچه، کیلهسی دور ییغین آلمانیلیک رسمیلر اشتراکی بیلن یولگه قوییلیشی ممکن.
سیاسی ایش بیلرمان و طالبان گه یقین منبع وحید مژده نینگ ایتیشیچه، اروپالیک رسمیلر بیلن طالبان گروهی نینگ نمایندهلرینی اوچرهشیشلری افغانستان حکومتی نینگ مشروعیتی سوراققه دوچ کیلگنینی کورستهدی.
بیراق، تینچلیک عالی کینگشی سوزلاوچیسی اسدالله زایری، قطرده اروپاییلیک رسمیلر بیلن طالبان گروهی نینگ نمایندهلری اوچرهشیشلرینی افغانستانده تینچلیک تأمینلنیشی خصوصیده ایجابی و تأثیرچن بیر آدیم دیب بیلهدی.
قطرده طالبان گروهی نینگ نمایندهلری بیلن اروپاییلیک رسمیلر اوچرهشگن بیرچاغده، آمریکا و طالبان گروهی نمایندهلری حاضرگهقدر قطر باشکینتی دوحهده آلتی مرته اوچرهشیب بحث اوتکزگنلر؛ بیراق حاضرگچه سونگی کیلیشووگه ایریشمهگن.
