ولسمشرۍ مانۍ د بلخ پخواني والي عطامحمد نور له ګوښه کولو وروسته انجینیر داود د نوي والي په توګه وټاکه. د جمعیت اجرایوي رییس او د بلخ پخواني والي عطار نور د ارګ پرېکړه ونه منله او لا هم پر څوکۍ ناسته دی.
ښاغلی نور وايي، هغه مهال به د بلخ له څوکۍ لېرې شي چې د ارګ لهخوا د جمعیت غوښتنې ومنل شي.
یوې باوري سرچینې د نوم نه خپرولو په شرط سلاموطندار ته وویل، د جمعیت اسلامي ګوند په ولسي جرګې د بلخ د خلکو استازي فرهاد عظیمي او اسحاق رهګذر، دغه راز علم خان ازادي چې یو قومي مخور دی د بلخ ولایت لهپاره ولسمشرۍ ماڼۍ ته وړاندیز کړي دي.
د سرچینې په خبره، د ارګ او جمعیت ترمنځ د خبرو بندښت (بن بست) موضوع حقیقت نه لري او دا خبرې به ډېر ژر د صلاح الدین رباني په راستنېدو سره بیاځلي پیل شي.
خو ولسمشرۍ ماڼۍ وايي، تراوسه دوی ته داسې کوم وړاندیز نه دی شوی.
د ولسمشر ځای ناستی ویاند شاه حسین مرتضوي وايي، دغه ډول وړاندیزونه لومړی د سیمهییزو ارګانونو ادارې ته لېږل کېږي.
وموغوښتل په دې اړه د سیمهییزو ارګانونو نظر هم وپوښتو؛ خو د بیا بیا اړیکو سره ځواب رانه کړل شو.
په دې وروستیو کې د بلخ ولایت له څوکۍ د عطامحمد نور په لېرې کولو سره د ارګ او جمعیت اړیکې خړې پرې شوي دي.
