د ولسي جرګې د اداري پلاوي لومړي او دویم نایب څوکۍ له پاره د ننه شنبه (مارچ ۱۲مه) ټاکنې وشوې، چې عبدالظاهر قدیر وکولی شول د دویم ځل له پاره د ولسي جرګې د لومړي نایب څوکۍ خپله کړي.
د یادې جرګې د لومړي نایب څوکۍ ترلاسه کولو له پاره د ظاهر قدیر سره همایون همایون ځان کاندید کړی و، چې په پایله کې یې همایون ۳۶، ظاهر قدیر ۱۳۸ د باور رایو په ترلاسه کولو سره ۵۰+۱ پوره او لومړی نایب اعلان شو.
په دې اړه د ولسي جرګې رېیس عبدالروف ابراهیمي وویل: " حاجي عبدالظاهر قدیر وتوانېدو، چې دولسي جرګې څخه ۱۳۸ د باور رایې ترلاسه کړي او ښاغلي حاجي صاحب ته د لومړي نایب مبارکي وایم."
دغه راز، دولسي جرګې د دویم نایب څوکۍ ته نوماندانو په نننۍ عمومي غونډه کې عبدالقادر ځاځی، انجنیرسیداکرام، زهراتوخي، سمین بارکزۍ او شیخ نعمت الله غفاري نوماندان و، چې یوه يې هم ۵۰+۱ د باور رایه ترلاسه نه شوکړای.
د ولسي جرګې رېیس عبدالروف ابراهیمي وویل، چې سبا یکشنبې (مارچ ۱۳مه) د دویم نایب څوکۍ ته به د نذیراحمدزي او شیخ نعمت الله غفاري ترمنځ ټاکنې ترسره شي.
له دې وړاندې عبدالرووف انعامي د ولسي جرګې منشي او عرفان الله عرفان د ولسي جرګې نایب منشي وټاکل شول.
