عبدالله عبدالله ته یوه نږدې سرچینه وايي چې د افغان سولې لپاره د امریکا د بهرنیو چارو وزارت ځانګړی استازی زلمی خلیلزاد کابل ته راغلی دی.
د سرچینې په وینا، ټاکل شوې نوموړی په هېواد کې د ټاکنیز او سیاسي کړکېچ د پای ته رسولو لپاره له ارګ او سپېدار سره خبرې اترې وکړي.
دا دویم ځل دی چې زلمی خلیلزاد په ارګ او سپېدار کې د لوړې له مراسمو وروسته کابل ته راځي.
د خلیلزاد دفتر تر اوسه په دې اړه څه نه دي ویلي.
هڅه مو وکړه چې په دې اړه د ولسمشرۍ ماڼۍ نظر هم واخلو، خو له پرلهپسې هڅو سره سره ونه توانېدو.
