بوگون "شنبه" ایرته‌لب ساعت 10 اطرافیده جلال‌آباد شهری‌نینگ 4- ناحیه‌سیده، پارتلش یوز بیرگن.
ننگرهار حاکمی‌نی سوزلاوچیسی عطاالله خوگیانی نینگ ایتیشیچه، بو واقعه‌ده 22 یاشر بیر عیال جان بیریب و ایکی باله و بیرعیال شامل باشقه 7 کیشی یره‌لنگن.
عین‌حالده، ننگرهار ولایتی کسلخانه‌سینی مطبوعاتی مسوولی گلزاده سنگرنینگ سلام‌وطندارگه ایتیشیچه، بو واقعه‌دن 3 جسد و 19 یره‌دار کیشی اوشبو کسلخانه‌گه انتقال بیریلگن و 8 پولیس و قطار عیال و باله‌لر قربانلیک‌لر جمله‌سیدن دیر.
ننگرهار حاکمی‌نینگ سوزلاوچیسی‌گه، حاضرگه‌قدر پارتلش نوعیتی بیللی ایمس و بو توغریده تحقیقات‌لرنینگ دوامی بار.
ایتیش کیرک‌که بوگون ایرته‌لب جلال‌آباد شهریده بیر پارتلش نتیجه‌سیده، چیگره کوچلریدن ایکی تهسی یره‌لنگن دیر.
ننگرهار حاکمی‌نی سوزلاوچیسی‌گه کوره، بو واقعه‌ده چیگره کوچلرنینگ رنجر موتری هدف قرار بیریلگن.
