قندوز محلی رسمیلرینینگ ایتیشیچه، دوشنبهدن سهشنبه گه اوتر کیچه ساعت 12 اطرافیده، قندوز شهرینینگ غربیده جایلشگن زاخیل قیشلاغیده بیر بریدمل و بیر عسکر، 12 همکارلرینی اولدیرگنلر.
مملکت شمالشرقیده 808 سپین زر زونی قومندانی شیرعزیز کامهوالنینگ ایتیشیچه، مذکور ایکی عسکر، امنیتی پوستهلرگه پهرهدار بولگن بیر چاغیده، همکارلرینی آتیب و حربی جهازلری بیلن طالبلرگه قوشیلگنلر.
بیراق، قندوز ولایتی کینگشی اعضاسی امرالدین ولینینگ ایتیشیچه، مذکور حربی عسکرلر، طالبلر تامانیدن اویوشتیریلگن هجوم نتیجهسیده هلاک ایتیلگنلر.
اونگه کوره، قرارگاهدهگی حربی کوچلردن 2 کیشی، ایلگریدن طالبلر بیلن علاقهده بولگنلری باعث، بیرینچیدن عسکرلرنی زهرلنتیرگن و کیین ایسه، طالبلردن هجوم قیلیشلرینی ایستهیدیلر.
شونینگدیک، طالبلر تامانیدن ترقهتیلگن خبرنامهده ادعا قیلینیشیچه، زاخیلخمدان قرارگاهی اوستیگه هجوم قیلیب، قرارگاه قومندانی شامل 13 حربی عسکرنی اولدیریب و قرارگاهلرینی نظارتگه آلگنلر.
طالبلرنینگ خبرنامهسیده کیلیشیچه، مذکور قرارگاهنی نظارتگه آلگنلریدن کیین، حربی کوچلرنینگ جهازلری و امیریکهلیک قوراللری هم اوشبو گروهنینگ قولیگه توشگن.
