د عدلیې وزیر عبدالبصیر انور چې کابل کې یې د انساني قاچاق او کډوالو قاچاق سره د مبارزې عالي کمېسیون لاستهراوړنو په اړه خبرې کولې وايي، د محکمې له لوري د انسان او کډوالو قاچاقیانو ۷۷ دوسیې څېړل شوېدي.
د ده په خبره، له دې دوسیو ۳۵ تنه په زندان او ۲ په اعدام محکوم شوي، ۱۱ تورنو برائت اخېستی او د ۳۱ نورو دوسیې تر څېړنې لاندې دي.
د عدلیې وزیر په وینا، د تېرکال په ترڅ کې د ملي امنیت عمومي ریاست او کورنیو چارو وزارت، د ۲۱۰ ځوانانو له غیرقانوني کډوالۍ چې د قاچاقیانو له لوري بهر ته لېږدول کېدل، مخنیوی کړی.
همداراز د عامې روغتیا وزارت د انساني قاچاق څه باندې ۱۴زره او ۴۰۰ قربانیانو ته روغتیايي مشورې ورکړي او سلګونو نورو د کار او ټولنیزو چارو وزارت ملاتړ ترلاسه کړیدی.
