شو سونگی کونلرده ملی بیرلیک حکومت باشلیغ‌لری نادر نادرینی ملکی خدمتلر و اداری اصلاحات ایرکین کمیسیونی باشلیغی، سیده مژگان مصطفوینی مدنیت و اخبارت وزیرلیگی مالی، اداری و گیزمه معینی، احمدسیر مهجورنی یوکسک تحصیلات وزیرلیگی نینگ مالی و اداری معینی و تفسیره هاشمی نینگ کابل بیلیم یورتی طلبه‌لر اورین باسری حیثیده تعین ایتگن ایدی.
شنبه کونی جمهور رییس غنی، امرالله صالح نی هم امنیتی بولیمده اصلاحات کیلتیریش دولت وزیری، دفاعی و امنیتی افسرلرنی تعین ایتیش بوردی باشلیغی حیثیده ربته‌دن تشقری تعین ایتدی.
بیراق تحلیلچی‌لردن کوپیسی ملی بیرلیک حکومتی‌نینگ بو تعین و تقررلیکلرنی سلیقه‌یی و تیم‌لر تامانیدن دیب بیله‌دی و امنیتی بولیمده اصلاحات کیلتیریش وزیرلیگی‌نی باشقه وزیرلیکلرگه تینگ دیب بیله‌دیلر. اولر، افغانستان یشاوچیلرینی حکومت ایسدن چیقارگن و کوپراق سیاسی تارتیشمه‌لرگه باغله‌نیب قالگنلر دیدیلر.
مدنی فعال و سیاسی تحلیلچی سمیع دره‌یی ملی بیرلیک حکومتی، یشاوچیلر قیینچی‌لیگینی حل ایتمسدن، قدرتنی تقسیم قیلیشگه مصروف‌لر دیدی.
جناب دره‌یی امرالله صالح‌گه بیریگن ایشنی کورینیش و نماییشی دیب بیله‌دی. او، قدرت باره‌سیده سونگی سوزنی جمهور رییس ایته‌دی دیدی.
جناب دره‌یی نینگ ایتیشیچه، بونقه تینگ اداره‌لر تشکیل ایتیش یشاوچیلر بیلن دولت‌گه فایده کیلتیرمه‌یدی و حکومت نینگ ناکاره‌لیگی‌گه آشیره‌دی.
.jpg)
سیاسی تحلیلچی‌لردن باشقه بیری فدامحمد نظری هم حکومت باشلیغ‌لری قوم پرست‌لیک، منطقه و تیم‌گه باغله‌نیب قالگن و مملکت نینگ جاری وضعیتیده توجه قیلمه‌دیلر.
جناب نظری نینگ تأکید قیلیب ایتیشیچه، ملی بیرلیک حکومتی قانونگه قرشی رویابگه کیلگن و بوحکومتنی قیلمیش‌لری بوتونله‌ی قانونگه قرشی بولگن.
بیراق جمهور رییس سوزلاوچیسی نینگ اورین باسری شاه‌حسین مرتضوی نینگ سلام‌وطندارگه، ینگی تعیناتلر شخصلرنینگ کوچی نظرده توتیلیب بولگن و نادری بیلن صالح مدیریت تجربه‌سیگه ایگن بولگنلردن سنله‌دی دیدی.
جمهور رییس سوزلاوچیسی نینگ اورین باسری، امنیتی بولیمده اصلاحا کیلتیریش وزیرلیگی، تینگ ایمس، بلکه امنیتی نهادلرگه یخشی راق ایش بولیش اوچون تلاش قیلینماقده دیدی.
کابل شهری و کوپلب ولایتلرده امنیتی کوچلرنینگ جنگریلرگه قرشی قیلیمشلری کوپلب انتقادلر بیلن روپه‌ره بولدی. سونگی مرته سردارمحمدداوود خان کسلخانه‌سیده اویوشتیریلگن هجومده 30 آرتیق انسان اولیب و 50 دن آشه کیشی هم یره‌لندی.
بوحادثه کوپلب یشاوچیلرنینگ قرشی‌لیگی بیلن روپه‌ره بولدی. بیراق حادثه‌دن نیچه کون اوتشی بیلن کورینیشچه، کیشی خیجا بیریلمه‌دی و بوحادثه هم باشقه حادثه‌لرگه اوخشب ایسدن چیقاریلماقده.
