بامیان اکثر یوللری ناتینچ بولیشیگه قرهمی، ایچکی و تشقی توریستلرنی بو ولایتگه باریب کیلیشلری تجارلرنی هوتللرقوریشگه علاقهلنتیریب قویگن.
بامیان مدنیت و خبرلر ریاستینینگ ملازملری 1396ییلده 4یوزمینگ ایچکی و تشقی توریستلر طبیعی منظرهلر و تاریخی ییرلرنی کوریب چیققنلگینی معلوم قیلهدی.
بامیان مدنیت و خبرلر ریاستی باشلیغی حسین احمد پورنینگ سلاموطندارگه اتیشیچه، ایچکی و تشقی توریستلرنی علاقهسی آرتیشی سبب، 20میلیون امریکالیک دالر هوتل قوریش اوچون صرفلنگن.
احمد پور، سونگی پیتلر 10 سنتی هوتل یانیده 5ته معیاری هوتل بو ولایتگه قوریلگنینی ایتهدی.
قول آرقلی تیکیلگن نرسهلرنی ساتووچیلریدن عذرالعلی بامیان تینچ فضاسی تشقی و ایچکی توریستلرنی بو ولایتگه کیلیشگه اوندهگن دیدی. لعلی تورلی احتفاللر اوتکزیلیشی سبب افغانستان برچه ییرلریدن کیشی لر بوییرگه کیلیب توریشلرینی اورغولیدی.
هوتل ایگهلری حکومتدن یوللر خوفسیزلیگینی تامینلشگه جدی اقدام قیلیشینی سوریدیلر.
بامیان 2015ییلده سارکنینگ بیرنیچی فرهنگی باش کینتی صفتیده تن آلیندی و هرییل کچالو گلی، دمبوره و ایپیک یولی احتفاللری بو ولایتده اوتکزیلهدی.
