افغانستان خبرچیلرینینگ خوفسیزلیگینی سقلش کمیته، خبرچیلرگه قرشی زورهوانلیک میزانی توغریسیده، میلادی 2018- ییلنینگ بیرینچی آلتی آی گزارشینی ترقهتدی.
افغانستان خبرچیلرینینگ خوفسیزلیگینی سقلش کمیته باشلیغی نجیب شریفینینگ ایتیشیچه، اوشبو گزارش اوتگن میلادی ییلنینگ بیرینچی آلتی آییگه نسبتن میلادی جاری ییلنینگ بیرینچی آلتی آییده خبرچیلرگه قرشی زورهوانلیک میزانی 22% کوپهیگن.
جناب شریفی گه کوره، میلادی 2018- ییلنینگ بیرینچی آلتی آیی میدیا عایلهسی و خبرچیلر اوچون اینگ قانلی زمان بولگن.
خبرچیلرنینگ خوفسیزلیگینی سقلش کمیته نینگ ایتیشیچه، جاری میلادی ییلنینگ بیرینچی آلتی آییده 11 خبرچی هلاک ایتیلگن، 11 خبرچی یرهلنگن، 19 قضیه حقارت و اهانت، 28 قضیه تهدید، 5 قضیه قولگه آلینیش و 1 قضیه ناقانونی شکلده چیقاریلیش موضوعی رویخط گه آلینگن.
خبرچیلرنینگ خوفسیزلیگینی سقلش کمیته گزارشیده کیلیشیچه، داعش و طالبان گروهی، تهدید و قتل شامل 37 واقعه مسؤولی بولگن و شونینگدیک، حکومت ملازملری و امنیتی کوچلر 36 زورهوانلیک قضیه مسؤولی، ناتانیش کیشیلر 14 زورهوانلیک قضیه مسؤولی و میدیا میدیرلری 2 نامناسب قضیه مسؤولی بولگن.
شونینگدیک، خبرچیلردن بیرقطاری، امنیتی قیینچیلیک و معلومات بیریش خصوصیده، حکومت رسمیلری تامانیدن همکارلیک قیلینمهسینی اساسی قیینچیلیک دییدی.
