پکتیا استیناف محکمهسی مسووللری و حوزهیی کسلخانهسینینگ داکترلریدن بیرقطاری، اوشبو کسلخانهده عدلی طب ایجاد ایتیلیشینی سورهگنلر.
پکتیا حوزهیی کسلخانهسینی باش طبیبی اصیل خان نینگ سلاموطندارگه ایتیشیچه، عدلی طب گه نیازی بولگن جنایی دوسیهلر بو کسلخانهگه یوباریلهدی، بیراق اوشبو بولیم بولمهگنی باعث، مذکور دوسیهلرنی کابل گه یوبارهدیلر.
پکتیا استیناف محکمهسینی باشلیغی عمبر پاچا نینگ ایتیشیچه، اوشبو ولایت حوزهیی کسلخانهسیده عدلی طب ایجاد ایتیلیشی جدی نیازلردن دیر.
پکتیا استیناف محکمهسینینگ باشلیغیگه کوره، اوشبو ولایت عدلی و قضایی نهادلری و ساغلیقنی سقلش ریاستی عدلی طبگه تیگیشلی دوسیهلرنی بیر کمیسیون تامانیدن تیکشیریلیشی خصوصیده کیلیشگن دیر.
عینحالده، پکتیا ولایتی بوییچه ساغلیقنی سقلش اداره باشلیغی ولایتخان احمدزی نینگ ایتیشیچه، تیزلیککه پکتیا حوزهیی کسلخانهسیده عدلی طب فعال ایتیلهدی.
پکتیا ولایتی کسلخانهسی بیرییل آلدین حوزهیی کسلخانهگه اوزگریلگن، بیراق حاضرگهقدر عدلی طب بو کسلخانه ده فعال بولمهگن.
