اخیرگی وقت‌لرده افغانستان‌نینگ ترکمنستان اوچون ینگی‌دن تعین ایتیلگن ایلچی‌سی میرویس‌ناب و او مملکت جمهور رییسی قربانقلی بیردی محمدوف اورته‌سیده اوتکزیلگن ملاقات‌ده، ترکمنستان جمهور رییسی افغانستان اقتصادی لایحه‌لریگه همکارلیک قلیش‌دن ینه بیر بار سوز بیرگن‌لیگی ایتیله‌دی.
اقتصادی تحلیلچی آذرش حافظی‌نینگ سلام‌وطندارگه ایتیشیچه، رسمی کابل بیلن عشق آباد اوزاق مدتلی دوست حسابلنه‌دی. شونینگ‌دیک او مملکت افغانستان‌ده اقتصادی همکارلیک‌لرگه دوم ایته‌دی دیدی حافظی.
او، ترکمنستان افغانستان اقتصادی مساله‌سی اوچون مهم بیر دولت بولگن‌لیگی حقیده علحیده تاکیدله‌گن.
شونینگ‌دیک جناب حافظی، ترکمنستان ییریک ییر آستی انرژی‌گه ایگه، انه شو سبب افغانستان و ترکمنستان دولتی اورته‌سیده امضالنه‌دیگن اقتصادی لایحه‌لر رسمی کابل اوچون اولکن اهمیت‌گه ایگه دیگن.
عین‌حالده، حافظی، افغانستاندن اوته دیگن ترکمنستان‌نینگ 500 میگاواتی برق لایحه‌سی ییریک اقصتادی برنامه بولیب، بو پروژه عمل‌گه آشیریلشی بیلن افغانستان نینگ اقتصادی همده امنیتی اوچون توغریدن توغری ایجابی تاثیر بارلیگی اوستیده تاکیدله‌گن.
حافظی، ترکمنستان برق لایحه‌سی پاکستان اوچون اولکن اقتصادی اهمیتی بارلیگی سبب او مملکت بو لایحه عمل‌گه آشیریلشی هر تامانلمه سعی حرکت قیلیشی ممکن دیگن.
عین حالده، افغانستان تشقی ایش‌لر وزیرلیگی‌نینگ سوزلاوچی‌سی شکیب مستغنی‌گه کوره، افغانستان‌نینگ ترکمنستان‌ده‌گی ینگی ایلچی‌سی میرویس‌ناب ترکمنستان جمهور رییسی قربانقلی بیردی محمدوف بیلن ملاقات قیلیب، تاپی لایحه‌سی عمل‌گه آشیریلیشی اوستیده تاکیدله‌گن‌لر.
افغانستان‌نینگ شمالی‌ده جایلشگن قوشنی مملکت ترکمنستان ایریم ساحه‌لرده اینیقسه اقتصادی بولیم‌لرگه افغانستان حکومتی‌گه ییریک همکارلیک قیلیب کیلگن.
شونینگ‌دیک نیچه وقت آلدین افغاسنتان جمهور رییسی محمداشرف‌غنی ترکمنستان‌گه قیلگن سفری جریانیده او مملکت جمهور ریسی بیلن ایریم اقتصادی لایحه‌لرگه قول قویگن ایدی.
