بدخشانده کوکچه دینگیزی فرعی حوزه مسؤوللرینینگ ایتیشیچه، مذکور ولایتنینگ ایریم تومنلریده سوو منبعلری مدیریت بولیشی و سوو اوستیدن چیققن جنجللر آلدی آلینیشی اوچون سوو فایدهلنووچی جمغرمهلر ایجاد ایتیلگن.
اوشبو اداره مسؤوللریگه کوره، سوو فایدهلنووچی جمغرمهلرنینگ اعضالری، دییرلیچه تعلیمات آلیب سوو منبعلرینی مدیریت قیلیش و اوندن قندهی بیر شکلده فایدهلنیش گه قوشیمچه، سوو اوستیدن چیققن جنجللرنی هم حل قیلگنلر.
سلاموطندارگه صحبت بیرگن کوکچه دینگیزی فرعی حوزه مسؤولی رفیع بهمننینگ ایتیشیچه، سوو فایدهلنووچی جمغرمهلر ایجاد ایتیلیشیدن آلدین، سوو منبعلرینی مدیریت قیلیش و کاناللرنی مراقبت قیلیش مذکور ادارهنینگ اینگ قیین ایشلری حساب بولردی؛ بیراق سوو فایدهلنووچی 17 جمغرمه ایجاد ایتیلگنیدن سونگ، سوو منبعلریدن فایدهلنیش و مدیریت قیینچیلیکلری برطرف ایتیلگن.
بدخشانده سوو فایدهلنووچی جمغرمهلر مسؤوللرینینگ ایتیشیچه، سوو منبعلری مدیریت بولیشی اوچون ینگی شیوهلردن فایدهلنیب کوپ و آز سوو موسوملری توغریسیده جدول تیارلب، فرعی گروهلر ایجاد قیلیب و سوونی عدالتلی شکلده ترقهتیب سوو اوستیدن بولگن جنجللرنی حل قیلگنلر.
کوکچه دینگیزی فرعی حوزه مسؤوللرینینگ ایتیشیچه، نیچه ییلدن بویان سوو قانونی اساسیده، دینگیز حوزهلرینینگ ریاستلری چوکاتیده ایجاد ایتیلگن سوو فایدهلنووچی جمغرمهلرنی فعالیتی نتیجهسیده، سوو منبعلریدن فایدهلنیش معیاری بولگن.
کوکچه دینگیزی فرعی حوزه مسؤوللریگه کوره، بوزیق ییرلرنی قیته قوریش، کاناللرنی قیته قوریش، سوو عدالتلی شکلده ترقهتیلیشی، قوریقچیلیکدن خبر بیریش و سوو جریانی میزانی اساسیده، ایکینچیلیک سیستمینی توزهتیش، مذکور جمغرمهلرنینگ اساسی وظیفهلریدن سنلهدی.
