آمریکا جمهور رئیسی افغانستان تینچلیک سوزلشوولری توغریسیده قوشمه ایالتلرنینگ ییریک مصلحتچیلری بیلن اوتکزگن ییغین نی جوده هم یخشی ایدی دیگن.
اوشبو ییغین آمریکا مدافعه وزیری مارک اسپر، تشقی ایشلر وزیری مایک پمپئو و آمریکا حربی قوشمه تشکیلاتی نینگ قومندانی جنرال دانفورد نینگ حضوریده یولگه قوییلگن.
شونینگدیک، اوشبو ییغینده آمریکا قوشمه ایالتلری نینگ ملی خوفسیزلیک مصلحتچیسی جان بولتون و افغانستان تینچلیک لایحهسی بوییچه آمریکانی خاص نمایندهسی زلمی خلیلزاد هم اشتراک قیلگن.
دونالد ترامپ توییتریده بیرگن پیامی ده ایتیشیچه، آمریکا، طالبان گروهی بیلن بولگن تینچلیک سوزلشوولری کیلیشووگه ایریشیشی خصوصیده امید بیلدیرهدی.
شونینگدیک، آقسرای تامانیدن ترقه تیلگن خبرنامهده ایتیلیشیچه، بو سوزلشوولر طالبان گروهی بیلن بولهدیگن تینچلیک و افغانستاندن آمریکا کوچلری نینگ چیقیشی قندهی بولیشی توغریسیده اوتکزیلگن.
ایتیلیشیچه، آمریکا و طالبان آرهسیده تینچلیک کیلیشووی گه قول قوییلگن چاغیده، آمریکا و افغانستان حکومتی آرهسیده باشقه کیلیشووگه قول قوییلیشی ممکن.
آمریکا و طالبان آرهسیدهگی تینچلیک کیلیشوونامهسی آمریکاده جدی عکسالعمللرگه روپهره بولگن.
آمریکا قوشمه ایالتلری نینگ جمهوریت طلب سناتوری لینزی گراهام، اوز توییتر صحیفهسیده طالبان گه ایشانیش نی خطا دیگن. جمهور رئیس ترامپ گه خطاب جناب گراهام نینگ ایتیشیچه، آمریکانینگ سابق جمهور رئیسی بارک اوبامانینگ خطاسیدن درس آلیش کیرهک؛ چونکه یامان و نامناسب بیر کیلیشوو دنیا بویلب افراطیتچیلرنی کوچلی قیلهدی.
اوتگن کون «جمعه» سیانان تلویزیون ترماغی ایکی ایشانچلی منبع دن نقل قیلیب یازیشیچه، آمریکا و طالبان آرهسیدهگی کیلیشوونامه متنی 19- اگست و افغانستان مستقللیگی نینگ 100 ییللیک کونیده امضاءلنیشی ممکن.
شو توغریده…
غنی: حاضرگی حکومت تینچلیک توغریسیده قرار قیله آلمهیدی
