.jpg)
ایچکی ایشلر وزیرلیگینینگ تأمینات بوییچه اورین باسری مرتضی رحیمینینگ ایتیشیچه، اوشبو وزیرلیکنینگ 100 دن آرتیق کیلیشووی خیالی بولگن.
جناب رحیمینینگ ایتیشیچه، او ایچکی ایشلر وزیرلیگینینگ تأمینات بوییچه اورین باسری بولگنیده، 964 کیلیشوو امضاءلنگن ایکن؛ بیراق هیچ بیری عملی بولمهگن. اونگه کوره، اولر تورت آیده ثابت قیلگن کیم 730 کیلیشوو موجود و خیالی ایمس و بو جملهدن 89 کیلیشوونی ملی تدارکات کمیسیونیدن پاس قیلگن.
سوداگرلرنینگ ناراضیلیگی و ایچکی ایشلر وزیرلیگی کیلیشوولردن قالگن قرضلرینی تولمهگنی باعث، سنامجلسی شکایتلرنی تینگلش کمیسیونی تامانیدن چقیریلگن مرتضی رحیمینینگ ایتیشیچه، ایچکی ایشلر وزیرلیگی «تینیق و حساب بیرهدیگن سیستم» ایجاد ایتیش خصوصیده، سعی و حرکت قیلهدی و انه شو سبب، تدارکات بولیمیگه اساسی اوزگریشلر کیلتیرگن.
اوشبو سوداگرلرنینگ ایتیشیچه، ایچکی ایشلر وزیرلیگی، 1391- ییلدن بویان میلیونلرچه افغانی قرضینی تولمه گن.
.jpg)
شونینگدیک رحیمینینگ ایتیشیچه، بوندن آلدین مذکور وزیرلیکنینگ کیلیشوو سیستملری هر بولیمگه ایری-ایری ایکن و برچه ولایتدن کمیده بیرمینگ کیلیشوو بولر ایکن؛ بیراق حاضر اولر کیلیشوولرنی کمهیتیریب و باغلیق شکلده توزهتگن.
ایچکی ایشلر وزیرلیگینینگ تأمینات بوییچه اورین باسرینینگ ایتیشیچه، بوندن آلدین هر کیم ولایتلرده پولیس احتیاجلریدن بیر خیالی رویخط توزهتیب و بو رویخط اوشه ولایت والیسی و پولیس قومندانی تامانیدن تأیید بولر ایکن. اونینگ کوپهیتیریشیچه، ولایتلرده توزهلگن کیلیشوولر، یالغیز اداری باسقیچلرنی اوتکزیب و پول اوچون کابل آلیب کیلینگن.
شونینگدیک جناب رحیمینینگ ایتیشیچه، حاضر افغانستان ملی پولیس آیلیکلریدن 89 فایزی سیستم آرقهلی تولنهدی و شونینگدیک، اوشبو وزیرلیک هیأتلری، محلی پولیس آیلیکلری هم سیستم اساسیده تولنیشی اوچون 10 ولایتگه سفر قیلگن. اونینگ ایتیشیچه، بوندن کیین ایچکی ایشلر وزیرلیگی، محلی پولیس آیلیگینی اوزلریگه تاپشیرهدی.
رحیمیگه کوره، بو ییللرده ییگولیک بولیمیدهگی کیلیشوولردن کوپینچهسی معیاری بولیب، ایچکی ایشلر وزیرلیگی تامانیدن تعیین ایتیلگن. اونگه کوره، مالیه وزیرلیگینینگ معیاری 1392- ییل ییگولیک ماده بولیمیده، 125 افغانی ایکن؛ بیراق کیلیشوولر 170 افغانیدن آرتیق باغلنگن؛ انه شو سبب، بو وزیرلیک مذکور کیلیشوولرگه باغلیق حجتلرنی تیکشیرماقده.
اونینگ ایتیشیچه، ایچکی ایشلر وزیرلیگی قرضلریدن بیر قسمینی تولهگن و قالگن قرضینی تولش خصوصیده سعی و حرکت قیلهدی.
بوندن آلدین، بیر تیکشیرووچی قوریلمه تامانیدن ترقهتیلگن گزارشده ایتیلیشیچه، افغانستان امنیتی کوچلریدن 130 مینگدن آرتیغی، اینیقسه پولیسی خیالی بولگن و یالغیز حکومتدن آیلیک آلهدی.
