تخار ولایتی محلی رسمی‌لری‌نینگ ایتیشیچه، مذکور ولایت پولیسی 6 آیدن بویان میوه و کوک اوت قولگه کیریتمه‌گن و ینگی‌لیک‌ده ییت و قوروق نانلری هم کیسیلگن.
تخار پولیس قومندانلیگی سوزلاوچیسی خلیل اسیرنینگ ایتیشیچه، اوشبو ولایت پولیسی‌نینگ میوه و کوک اوت‌لری آلتی آیدن بویان کیسیلگن و اوتگن «پنج‌شنبه» کوندن باشلب ییت و قوروق نانلری هم ییتیشمه‌یدی.
تخار پولیس قومندانلیگی سوزلاوچیسی‌گه کوره، اوشبو ولایت پولیسی‌نینگ میوه و کوک اوت‌لرینی قرارداد قیلگن مسؤول قاچیب کیتگن.
تخار حاکمی اورین باسری و پولیس اعاشه‌سیدن نظارت قیلووچی کمیته مسؤولی فرید ذکی‌نینگ ایتیشیچه، پولیس کوچلری‌نینگ ییگولیک ماده‌لرینی تأمین‌لاوچی شرطنامه کابل‌ده تدارکات کمیته‌سی و قراردادی شرکت آره‌سیده امضاءلنگن. تخار حاکمی اورین باسری‌نینگ ایتیشیچه، بو قیین‌چیلیک‌نی حکومت بیلن شریک قیلگن.
تخار ولایت کینگشی تامانیدن ترقه‌تیلگن اعلامیه‌ده ایتیلیشیچه، باغلنگن قرارداد اساسیده، تخار پولیسی‌گه بیرینچی درجه ییگولیک ماده ترقه‌تیلیشی لازم؛ لیکن اوشبو ولایت پولیس کوچلری اوچینچی درجه ییگولیک ماده دن فایده‌لنه‌دیلر.
