بوگون "چهارشنبه" نماینده‌لر کینگشی اعضالری، مملکت ملی مدافعه وزیری طارق‌شاه بهرامی، ایچکی ایشلر وزیری ویس‌احمد برمک و ملی خوفسیزلیک ادارهسینینگ باشلیغی معصوم استانکزی‌نی ناتینچلیکلر خصوصیده معلومات بیریش اوچون نماینده‌لر کینگشیگه چقیرگن‌لر.
غزنی اوروشی، امنیتی نهادلرنینگ برنامه‌سیزلیگی و اهالی خوافسیزلیگینی تامین‌لش خصوصیده دقت‌سیزلیک نماینده‌لر کینگشی اعضالری تامانیدن مطرح ایتیلگن موضوعلر دیر.
ایچکی ایشلر وزیری ویس‌احمد برمک‌نینگ ایتیشیچه، ایچکی ایشلر، امنیتی نهادلر غزنی ولایتینینگ جاغوری، مالستان و باشقه قطار تومنلرده طالبلرنینگ هجومی‌گه توسیق بولیش اوچون سعی و حرکت قیله‌دی.
جناب برمک‌نینگ ایتیشیچه، حاضرده خوفسیزلیک‌نی تامین‌لش اوچون ملی حربی باش قومندانی غزنی‌گه بارگن و شونینگ‌دیک باشقه بیر هیأت هم زابل ولایتی‌گه یوباریلگن.
مملکت ملی مدافعه وزیری طارق‌شاه بهرامی‌نینگ ایتیشیچه، امنیتی تهدیدلرگه قره‌گنده، ملی اوردو و امنیتی کوچلرنینگ امکانیت‌لری ییترلی ایمس، بیراق ملی اوردو انه‌شو امکانیت‌لر بیلن خوفسیزلیک‌نی تامین‌لش اوچون سعی و حرکت قیله‌دی. اونینگ ایتیشیچه، حاضرگی شرایط دن چیقیش اوچون بحث و صحبت قیلیش نیاز دیر.
ملی مدافعه وزیری، صحبتلری دوامی‌ده معلومات‌لرنینگ سری بولگنی باعث، یقین کونلرده بیر ییغین یولگه قویلیشی‌نی پیشنهاد قیلگن.
نماینده‌لر کینگشی باشلیغی عبدالرووف ابراهیمی‌نینگ ملی مدافعه وزیری پیشنهادی‌نی قبول قیلیب ایتیشیچه، آلدین‌گی ییغین‌لر هیچ‌قندی نتیجه بیرمه‌گن، بیراق امنیتی قیینچلیککه حل یول تاپیش اوچون سری ییغین اونملی دیر.
نتیجه‌ده نماینده‌لر کینگشی اعضالری، کیلسی هفته "یکشنبه" کونی امنیتی قیین‌چیلیک‌لرگه حل یول تاپیش خصوصیده امنیتی نهادلر بیلن قوشنی ییغین یولگه قویش قرارینی آلگن‌لر.
