بیرلشگن ملتلر تشکیلاتی نینگ باش کاتبی نی سوزلاوچیسی استفان دوجاریک بیر اعلامیه آرقه‌لی افغانستان حکومتی و طالبان گروهی تامانیدن اوچ کون‌لیک آتیش کیسین اعلام ایتیلگنی نی خوش قرشی‌لب و اوروش تامان‌لریدن بو فرصت‌دن فایده‌لنیب تینچلیک سوزلشوولری نینگ باشله‌شلرینی سوره‌گن.
مذکور تشکیلات نینگ اعلامیه‌سیده کیلیشیچه، تینچلیک افغانستان اهالیسی نینگ درد و رنج نی یکونلنتیره‌دی.
اعلامیه گه کوره، بیرلشگن ملتلر تشکیلاتی افغانستان اهالیسی و دولتی‌دن حمایت قیله‌دی.
عین حالده، اروپا بیرلیگی افغانستان حکومتی و طالبان گروهی تامانیدن آتیش کیسین اعلام ایتیلگنی نی خوش قرشی‌لب و اوشبو ایکی تاماندن بو فرصت‌دن فایده‌لنیب اوچ کون‌لیک آتیش کیسین نی دایمی آتیش کیسین گه اوزگرتیریش‌لرینی سوره‌گن.
شونینگدیک اروپا بیرلیگی افغانستان‌لیکلرارا سوزلشوولر باشله‌نیشی نی سوره‌گن.
ایتیش کیره‌ک کیم، بوندن آلدین افغانستان حکومتی و دنیا جماعه‌چیلیگی طالبان گروهی گه آتیش کیسین نی تکلیف بیرگن ایدی، بیراق مذکور گروه تامانیدن رد بولگن ایدی.
ایتیش کیره‌ک کیم، اوتگن کیچه طالبان گروهی بیر اعلامیه آرقه‌لی رمضان بیره‌م کون‌لریده اوچ کون‌لیک آتیش کیسین اعلام قیلدی.
طالبان گروهی تامانیدن آتیش کیسین اعلام قیلینگنیدن بیر نیچه دقیقه کیین، جمهوررئیس غنی اوشبو اوچ کون‌لیک آتیش کیسین نی خوش قرشی‌له‌دی. جمهوررئیس غنی بیر توییت آرقه‌لی امنیتی کوچلرگه بو اوچ کونده آتیش کیسین قیلیب و تهاجمی عملیات‌لری نینگ توخته‌تیش‌لرینی سوره‌دی.
افغانستان حکومتی و طالبان گروهی تامانیدن اوچ کون‌لیک آتیش کیسین اعلام ایتیلیشی آمریکا، ناتو، کانادا و قطار مملکتلر تامانیدن خوش قرشی‌لندی.
