لوگر ولایتی نینگ پل علم و خوشی، برهکی برک، ارزه و محمدآغه تومنلری ناگرانلری نینگ ایتیشلریچه، 4 ییلدن بویان آیلیکلرینی قولگه کیلتیرمهگنلر.
بوگون بو ناگرانلردن یوزلرچهسی، ولایت ایش، اجتماع، شهیدلر و معلوللر ریاستی ایشیگیده ناراضلیک بیلدیریب، حکومتدن آیلیکلرینی تولهنیشی و اولرگه بیریلهدیگن یاردملیکلر نیازمند بولگن ناگرانلرگه بیریلیشینی ایستهدیلر.
ازره و محمدآغه تومنی یشاوچیلریدن بولگن ناگران اخترمحمد و عبدالملک ایکی ناراض نینگ ایتیشیچه، 4 ییلدن بویان آیلیکلرینی آلمهگنلر.
اولر، واسطهلی ناگرانلر ایشی آسانلیک بیلن حل ایتیلهدی؛ اما واسطهسی بولمهگنلر، بو اداره ایشیگیگه هم کیلالمیدی دیب ادعا قیلهدیلر.
لوگر ولایتی نینگ ایش، اجتماع، شهیدلر و ناگرانلر ریاست باشلیغی طاهرشاه بلال نینگ سلاموطندار بیلن قیلگن صحبتیده ایتیشیچه، ولایت ایریم تومنلریدهگی ناگرانلر آیلیگی اوچون حکومت 300 میلیون افغانی قرضدار ایکن.
بلال، ایش، اجتماع، شهیدلر و ناگرانلر وزیرلیگی کیلهسی 3 آیگه قدر بو ریاست برچه قیینچیلیکلرینی حل قیلیب، دولت آلدیده قالگن پولنی بوتونلی اولرگه بیریش وعدهسینی بیرگن دیدی.
اونگه کوره، لوگر ولایتی ناگرانلر ریاستیده هیچ قنقه فساد کورینمهگن و ناگرانلر آیلیگی بانکی کارتلری بولمهگنلیگی و حکومت بودجهسی آزلیگی اوچون توله نیلمهگن.
شونینگدیک، لوگر ولایت سوزلاوچیسی سلیم صالح، ایش، اجتماع، شهیدلر و ناگرانلر ادارهسیده فساد بارلیگینی رد قیلیب ایتیشیچه، ولایت بیرگهلیک هیأت تعیین قیلیب تیزلیکده ناگرانلر قیینچیلیگی حل ایتیلیشی اوچون تیکشیروولرینی باشلش حکمی بیریلگن.
بو شوپیتده بولهدی کیم، اوتگن آیده ناگرانلر، ایش، اجتماع و شهیدلر وزیری نسرین اوریاخیل ناگرانلرگه تیزلیکده آیلیکلرینگیزیانیده یشش ییرهم بیرهمیز دیب وعده بیرگن ایدی.
شونینگدیک خانم اوریاخیل بو ولایت ناگرانلریگه ایش زمینهسینی هم یرهتیش وعدهسینی بیرگن ایدی.
