طالبان گروهی نینگ پلخمری شهری اوستیگه هجوم قیلگنی‌دن سونگ، حاضر ایسه امنیتی کوچلر پلخمری اطرافیده تازه‌لش عملیات یولگه قویگن.
بغلان ولایتی بوییچه ساغلیق‌نی سقلش ریاستی‌دن بیر منبع نینگ ایتیشیچه، حاضرگه‌قدر 4 عسکر و 3 تینچ اهالی هلاک ایتیلیب و باشقه 21 عسکر و 34 تینچ هالی یره‌لنگن دیر. منبع‌گه کوره، یره‌لنگن‌لردن کوپراغی عیال‌لر و باله‌لر دیر.
طالبان گروهی، پلخمری شهری اوستیگه هجوم قیلگنی‌دن سونگ، بغلان قتناو یول‌لرینی باغله‌گن و بو وضعیت پلخمری شهریده بند قالگن یولاوچی‌لرنی جدی قیین‌چیلیک‌لر بیلن روپه‌ره قیلگن.
یولاوچی‌لردن بیرقطاری نینگ سلام‌وطندارگه ایتیشیچه، طالبان گروهی بغلان قتناو یول‌لریده چیک‌پاینت ایجاد قیلگن و نقلیه واسطه‌لرنینگ اوتیب قیتیشی‌گه توسیق بوله‌دی.
بغلان پولیس قومندانی نیازمحمد نیارمند نینگ ایتیشیچه، طالبان هجومی امنیتی کوچلر تامانیدن کیینگه اوریلگن، بیراق آتیشمهنی دوامی بار.
سابق جهاد قومندان‌لریدن بیری حاجی عالم نینگ ایتیشیچه، بغلان یشاوچی‌لریدن بیرقطاری طالبان گروهی‌گه قرشی قورال آلگن.
طالبان گروهی قتناو یول‌لرنی باغله‌گنی‌دن سونگ، بغلان مرکزی و دوشی تومن نینگ قطار بولیم‌لریده هجوم قیلگنلر. بغلان یشاوچی‌لری نینگ آگاه‌لنتیریشیچه، تیزلیک‌که کمکی کوچلر یوباریلمه‌گن صورتده، پلخمری شهری طالبان قولیگه سقوط قیله‌دی.
طالبان گروهی حاضرگه‌قدر بو توغریده فکر بیلدیرمه‌گن.
